حبيبتي انتي
ما زعلت منك .. اخذي راحتك باللي تبين تقولينه
تبين الصراحه .. انا كنت محتاجه اكتب الكلام اللي قلته عشان اكرره على نفسي
انا قريت كلامك من اول ما كتبتيه لكني ماقدرت ارد وعشان اكتب بعض الاشياء براحتي لما اهدا

فعلا يا غاليه .. شخصية زوجك تشبه شخصيتي في جوانب كثيرة
لما كنتي تتكلمي عنه كنت مقدرة وضعه لاني عشت بعض المواقف مثل اللي ذكرتيها
عشان كذا كنت اتعاطف كثير معه لاني عارفة هو شلون صار كذا
يارب نقدر نتغير

بالنسبة للدورة انا ماقدر اسجل فيها لاني مو بجدة وصعب علي اروح
لو اقدر الاقيها بالنت يكوون افضل .. وانا قررت اقرا كتاب عن تطوير الشخصية وتقدير الذات
لكن ماعرفت اي كتاب افضل ؟!
اذا تقدرين تساعديني باسم كتاب لو تعرفين ؟

تصدقين .. والله بدون مبالغة
مركز تحفيظ القرآن فادني كثييييييييييييير
وطور من نفسي وعطاني راحة نفسية وحتى بديت اشارك في فعالياتهم وحسيت أني انجز اشياء
على الاقل وقتي كله اقضيه في شيء راح ينفعني بعدين

بس تحتاجي لتوجيه ..
تحتاجي لأحد يمسك بيدك و يوريك الطريق ..

لكن لو افتقدتي للشخص اللي راح يدلك للطريق الصح ..

هذي الجملة توقفت عندها كثييييييييييييير من يوم كتبتيها
انا احتاج الشخص هذا فعلا ..
عندي صديقات من المركز الحين صرت قريبه منهم وصديقتين اعرفهم من زمان لكن انا ابتعدت عنهم لما صرت قريبه من ذيك
هالصديقات فيهم خير كثييييير الحمدلله
وساعدوني خلال هالفترة بدون شعور منهم ان يكون عندي دافع اصير مثلهم

لكن هم مو معاي طول الوقت ولا يعرفون بحاجتي للي يدليني الطريق
انا احتاج احد يكون معي طول الخط يوجهني ويرشدني ويدلني

ابي اكون معتمده على نفسي لكن احس نفسي حاليا ما اقدر اعتمد على نفسي لحالي
لازم احد معي

روح .. لا تتركيني
انتظر ردك وتعليقك خصوصا على الردود الاخيره اللي كتبتها اليوم
لما يكون عندك وقت

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين