رد : وصلني صك الطلاق والحمدلله
ما اخفيك يا تعب اني كنت خايفة عليك من هاللحظة
اشعر وانا اقرى مشاركاتك إنك حساسة كثير لجل كذا شلت همك
على اني فرحت لك والله العظيم ..
ما تدرين أي منزلة وصلتي لها بهالمصيبة اللي إمتحنك بها الله عز وجل
مع اني بكل صدق لا أتفهم شعورك ابدا بالرغم من اني مطلقة مثلك
لكن لإختلاف ظروفنا و حزني على أطفالي , طغى حزني عليهم من
شعوري ب [ الطلاق ]
الطلاق كنت أنظر له على أنه حرية من حياة كنت لا أطيقها
وانتي كذلك .. ويسره الله لكِ لأن فيه خير كثير لك وعوضا
فقط ثقي بالله عز وجل و انتظري الفرج من عنده سبحانه
وما انصحك انك تسوين حفلة .. مو لشي , لكن ترى
الموضوع مو مستاهل
بتثبتين لنفسك وللناس انك تحررتي مو بالحفلة
انتي بس انسي أمر الصك . وإعتبري نفسك انك شفيتي من مرض
لأنك الحمدلله تخصلتي من هم كان متعبك وربي يسره لك
شوفي صاحبتنا معالي الوزيرة كيف ربي أكرمها
أنا متأكده ان ربي بيكرمني و بيكرمك بأفضل منها ان شالله
كثير صديقات لي مطلقات ماشاء الله تبارك الله عليهم
لقيت فيهم بشاشة روح و أمل و قلوب متعلقة بالله فقط
بس هي البداية الوحده تحس بشوية ضيقة لكن بإذن الله تفرج
ولو تشغلين نفسك هالفترة بأي وظيفة يكون افضل
عشان يساعدك على تخطي هالفترة بكل يسر
دعواتي لك بالأنس بقرب الله
و رآحة بال لا يشوبها كدر
__________________
الوعي هو الملاذ ..
أستغفر الله العظيم ؛
( الفردوس غايتي )