ماشاااااء الله
والدي الكريم .. والله فرررررررررحت لك من كل قلبي
اللهم لك الحمد .. الحمدلله اللي بلغك ورحت بيته الحرام ومسجد نبيه عليه افضل الصلاة والسلام
والله كنت دائما ادعي لك ان ربي يرزقك وتروح وسبحان الله دموعي سقطت تلقائيا من فرحتي بذهابك كأني انا اللي رحت والله
الله يتقبل منك يااااارب ويرزقك زيارة بيته الحرام ومسجد نبيه مرات عديدة ولا يحرمك هذه النعمة
ويعطينا يارب عمرة بالقريب العاجل وكل من يتمنى
وجزااااك الله كل خيييير على دعواتك الطيبه اللي تذكرتني فيها والله يتقبل منك

والدي الفاضل .. ما اخفيك انا من البداية كنت خايفه من هالموضوع
وكنت متوقعه ان راح تصيدني امتحانات ومشاكل عشان ربي يختبرني ويشوف ثباتي
وكنت من فترة خاااايفة ومرعوبة من هالفكرة بس ترددت اكتبها هنا قلت كلها تخيلات وامور ما راح تصير
لكنها بدت تصير .. لكني كنت دائما ادعي في صلاتي ان ربي يستر علي ويمحي ذاك الشيء من حياتي
وحاطه ببالي دام ربي سبحانه ستر علي طول الفترة اللي راحت .. ما راح يخيبني لما رجعت له

انا حاليا بس قاعده ادعي ربنا .. ما بيدي شيء ثاني اقدر اسويه
انت طلبت مني اتصل على اي شخص يتكلم عني بسوء وخصوصا هذي الانسانه
هي شخصيتها قوية جدا ومن النوع اللي لما تتناقش كلامها غالبا جارح ما تهتم للكلام اللي تقوله خصوصا لما احد يتهاوش معها او يعترض على شيء هي سوته ومقتنعه منه
انا عارفه نفسي لو كلمتها .. والله من اول كلمة بترميها علي ببكي وما بقدر ارد عليها او ادافع عن نفسي
ومن جهة ثانية انا مابي اكلمها واقول لها لا تتكلمين عني
لاني بالطريقه هذي راح ابين لها ان انا خايفه منها ومن الشيء اللي ممكن تقوله
وراح تمسكها علي وبتكون نقطة ضدي وبيعطيها قوة ودافع اكبر عشان تضرني
لانها بتحس اني خايفة منها وراح اموت لو تكلمت عني
عشان كذا اللي في مثل نوعها السكوت عنها افضل شيء .. عشان ما تستانس وتعتبره انتصار لها وشيء تمسكه علي او تهددني به لو احتاجت تستخدمه

هذا الكلام ينطبق على باقي الاشخاص بعد
لو تكلمت بيحسون ان انا خايفه من كلامهم وتأثيره علي .. اصلا راح ابكي من اول ما يتكلمون (من القهر)
وراح يتمادون ويعتبرونه انتصار لهم وكأني فتحت لهم الطريق يتكلمون علي زيادة بأشياء مو موجودة فيني
انا قررت اسكت عنهم واستخدم سلاح الدعاء .. ربي يبعد عني شرهم واذاهم وكيدهم
مافي سلاح اقوى منه

وبعدين يا والدي ابو مريم .. لا تنسى ان بنتك شخصيتها ضعيفة جدا
وما عندها ادنى حد من الثقة بالنفس والمواجهه
ما بقدر اسوي هالخطوة لانها راح تنقلب ضدي .. خصوصا وانا بهذا الضعف
لازم اقوى عشان اواجه اللي حولي
واذا احد فيهم واجهني او هي تكلمت وقالت عن ذاك الموضوع .. مثل ما وصيتني انت .. انا بنكر بكل بساطة
لانها ماعندها دليل مثل ما قلت .. ولاني ما بفضح شيء ربي ستره علي وانا انتهيت منه من زمان

وتيقينى انه من ستره الله
لن يفضحه ابن آدم ابداً
ابداً ابداً بإذن الله

والنعم بالله
اراحتني هذه الكلمات .. الله يجزاك خييير

شكرا لك على ردودك ووقفاتك دائماً
الشكر ما يوفيك حقك .. احاول اوفيها بدعوات في ظهر الغيب عسى الله ان يتقبلها مني

والدي الكريم .. ارجوك كن بالقرب .. ولا تنساني من الدعاء بأن ربي يستر علي
ويبعدهم عني ويصرف عني اذاهم وكيدهم
وأي دعوة حلوة ببالك .. ما بقول لا

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين