اشوف النساء صاروا يرددون هالكلمة كثير..
ترا الرجل بعد مو ملزم يسفرها
مو ملزم يجيب هدايا
مو ملزم يعالجها "باتفاق العلماء"
مو ملزم يكرم اهلها
مو ملزم يسدد فواتير جوالها
مو ملزم يشتريلها جوال جديد كل سنة
مو ملزم يشتريلها سيارة ويجيب لها سائق حتى تذهب للدوام
ومع ذلك اغلب الرجال ما يقصرون في هالامور..
لكن السؤال ماذا لو اخل باحد هذي الاشياء اللي تكرم بها على زوجته وهو غير ملزم بها.. بهالحالة وش راح يسمونه البنات هنا؟؟ انا اقول لك: غير السب اللي بيجيه بيقولون عنه بخيل

نفس الشيء المرأة اللي تقصر بهالامور تسمى بخيلة.. ايه نعم بخيلة!
حتى نكون عادلين بالحكم يجب ان لا نكيل بمكيالين، انا ما الوم المرأة لما تشتكي من بخل زوجها، وكذلك ايضاً لا ألوم الرجل لما يشتكي من بخل زوجته

أنا ودي اعرف ليش البنت دايماً تفكر ان زوجها بيضحك عليها وتحاول تتحايل عليه بكل الطرق؟؟ لدرجة انو ممكن تتطلق من زوجها اذا عاملها بالمثل؟! والمصيبه انها تتزوج واحد ثاني وتصرف عليه!! يعني لازم يجيها خبطة على راسها عشان تعقل؟


وكلمتي لصاحب الموضوع: افعل ما تريد لكن ثق ثقة تامة ان الدنيا مو مثل اول، الحين كل الازواج اللي اعرفهم تساعدهم زوجاتهم بالاساسيات فما بالك بالكماليات..