يا أخت حلم انتي مو فاهمه اللي قصدته..!
أكييييد من حقج تفكرين بالزواج والاستقرار وانشاء أسرة..وهذا شي طبيعي ماعليه خلاف

بس اللي مو طبيعي إني أخلي هالشي هو محور حياتي وسعادتي بتتوقف عليه ولا راح أكون أتعس وحده بالكون
يا أختي أنا عشت هالمشاعر في فترة مضت من حياتي..فترة طلاقي
وعارفه شعورج عدل..والألم والحزن اللي داخلج..حسيت فيه

كان الألم اللي بقلبي معاي ليل ونهار..حتى بفراشي وعند فتح عيوني واستيقاظي من النوم
ما كان يخفف علي إلا مناجاة رب العباد..والله كل الألم والحسره تروح مع الدموع اللي تنزل على خدي..
وأرتااااح بعدها وأكون عارفه إن ربي معاي ويراقبني وبيعطيني كل اللي أبي..
بس لازم أصبر على البلاء وما أستعجل علشان صفحتي تكون بيضاء

انتبهي من الآفات التي تمنع إجابة الدعاء
قال رسول الله صلى الله عليه وسلم
وفي صحيح مسلم عنه : لا يزال يستجاب للعبد ، ما لم يدع بإثم أو قطيعة رحم ، ما لم يستعجل ، قيل : يا رسول الله ما الاستعجال ؟ قال يقول : قد دعوت ، وقد دعوت ، فلم أر يستجاب لي ، فيستحسر عند ذلك ويدع الدعاء .


لاتشكي للخلق وتنسين الخالق..فأحسني الظن بالله لينولج مرادج
ربي يوفقج..ياأختي ويرزقج الرجل الطيب والذرية الصالحه