منتدى عالم الأسرة والمجتمع - عرض مشاركة واحدة

03-12-2012, 09:56 PM

ملَك شادي

عضو متألق

تاريخ التسجيل: May 2006

المشاركات: 6,393

رد : يوم زفافكم

والله موضوع مسلي الواحد يتفرج عقصص العالم

اما انا عرسي عجيب اتحدى في اعجب منه ههههه

لما تزوجت هالحكي كان قبل 5 سنين و 9 شهور

وكان ايامها زوجي طلع سافر للعمل خارجا
ولنصيبنا نحن في غزة دايما في حصار و سفر صعب و اغلاق ووو الخ
ووقتها كانت الازمة في اشدها
كانو الناس يسافرو بالعافية و بالواسطات عشان تسلك
و بعرف وحدة 8 مرات تسافر وترجع رايحة لزوجها بالاخر واسطة لزبطت
وبهدلة

ولان زوجي كان ماسك الشغل جديد ومنتقل لبلد جديد
كان خاف كتير يجي و ينحشر ورطة

لهيك كان القرار التحفة

عرس بدون عريس

ارقص وافرح واسافرلو ههههه

يعني كان يصير هيك في بلدنا بس من وقت لاخر حسب الظروف في ناس ظروفهم ماتسمح يجي العريس

بالنسبة للمعازيم عادي

في بس مجموعة توقعت يجو مااجو زعلت انو مااجو بس عادي مافرقت معي كتير

الكروت كانت حلوة

الحفلة كانت بتجنن لبست فستان فرح ورحت كوافيرة وكلو عادي زي اي عروس بس قاعدة لحالي

حتى رحت استوديو ماخليت بنفسي يعني شي

والمصورة استغربت كتير

والحفلة كانت حلوة مافي رجل طبعا احنا اعراسنا غير مختلطة ابدا والشاذ جدا ان تكون مختلطة لا يفعلها الا الي بالمرة متحرر

حتى المش متدينين مايعملو مختلط يعني نادر عنا كتير

عند عوائل معينة فري عالاخر

بس حفلتي كانت اسلامية من حيث الاغاني وهيك

الكل رقص و هيص بدون ميكون في عريس مسدقو

الساحة كانت ملياااااااااااااااانة بنات يرقصو و الكل مطمن عالوضع والامان ههههههه

ويعني انا في الكوافيرة اتصل زوجي فية و هيك كان زعلان ونفسو يتواجد

وانا في العرس سرحت شوي و زعلت و تاثرت انو زوجي مش جمبي

لاحظت اخت زوجي و هدئتني وعدت وكان الامور حلوة

فستان العرس كان بجنن ناعم و حلو

بس ماعجبتني المكياج ... مابعرف ليش حكولي كان حلو كتير بس انا ماعجبني

والي كرهته تصوير الاستوديو

مش عاملة في الصورة ولا حاجة يعني الاحمر في عنية مبين

يعني الصورة تظهر اي خط واي حاجة غير سوية

انا مابحب الفلترة بس يعني تخفي احمرار العيون وكرمشة الوجه ههههههههههههه

كان الجو يومها ماطر وبارد وانا تجمدت و تشنجت خخخخخخخخ

ممممم
خلص العرس وروحت مع اهلي

و قالو الطريق فتحت تاني يوم ورحنا نجري انا وماما عشان هية حتسافر معي توصلني

و ايامها صارت فوضى و طخ و صرت اهلوس من البكا والخوف

ورحنا جلسنا في عيادة ذلك المكان كون انو ابي كان بشتغل هناك وهم اصدقاءه وهو دكتور صيدلي ايضا

و كانو يهدؤو فية وجابولي قهوة و زعلانين علية عروسة و مصدومة وشفت مناظر الي تبكي والي ماخدلو رصاصة وحالة

رجعنا البيت و انا منهارة و متبلدة من كتر البكا

بعدها جلست كم يوم انبسطت مع اخواتي يومين تلاتة وفتح الطريق مرة اخرى وكانت ميسرة جدا جدا

وصلنا اوتيل في القاهرة و طول الطريق ابكي وصرت اقول لماما خلص مابدي اتجوز بدي ارجع معك

عشان كنت متاثرة بفراقهم كتير

ومر الوقت وصلتني المطار وكان فراق مرير جدا

وسافرت لزوجي وبدينا الحياة و المغامرات

ومن عامان رجعنا من الغربة ومازالت المغامرات مستمرة هههههههه

ايييييييييييه اثرتي في نفسي كتير شغلات

بس في كل حال الحمدلله ماعمرو طريقة زواجي اثرت علية سلبا او اني احسها شيء سيء او انو ناقص كان او هيك

عادي جدا ودايما افكر انو كان شيء مميز وحلو

وزوجي بعدين عملنا عرس انا واياه في شقتنا و تورتة وفستان فرح كمان مرة يعني مين قدي؟

ولكن الاهم من العرس و الفستان و جمال العرس هوة مابعده

فكم من عرس بسيط بعده حياة ناجحة وكم من عرس فخم وراءه حياة غير موفقة لقلة البركة لانو الاسراف والتبذير ينزع البركة

وكم من عرس جميل ومصروف عليه بالمعقول بدون غضب الله جاء بعده حياة جميلة

يعني لا تفكرو قاعدة بقلكم عشان تكون حياتكم حلوة لازم عرسكم مايكون حلو وانو الي عرسه حلو اكيد حياته مش حلوة هههههههههههه

وبس

اسفة للاطالة ولكني انسجمت

__________________

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت