رد : لنبارك لإخواننا الكرام واخواتنا الكريمات
اقتباس:
المشاركة الأصلية كتبت بواسطة أحب زووجي
صدقت صفاء يوم سمتك عطر القلوب وفواحة المنتدى
والله يعلم بمجرد ماأشوف معرفك بالمتواجدين اشعر بشعور جميل كرائحة عطر جميله تفوح وتنتشر
بين جنبات المنتدى وهذا من جمال روحك وقلبك الطيب ولسانك اللي ينقط عسل
الله يسلمك يارب هذا من طيبتك يالغالية
الله يسعدك ويوفقك ويرزقك اللي يسر خاطرك ويكثر من امثالك ياام سلطان
مادام أبو سلطان رجع مالك عذر تقطعينا مره ثانيه 
إن شاء الله ابشري من عيوني يالغلا بس عاد انتي عارفة عندي خمسة اطفال وابوهم الطفل السادس هههههه وشغل البيت والمدارس عندي بنتي تدرس الصف الأول ومدوختي تدويخ في المذاكرة والحفظ الله لا يوريك وعلشان انها مبتدئه لازم اشد عليها بالحفظ والإملاء وتعليم الحروف علشان في المراحل الأخرى تعتمد على نفسها ومعظم وقتي اقضيه معاها اعلمها واذاكر لها الحين الثلاثاء والأربعاء ماراحت للمدرسة اعطوهم تطعيمات بالمدرسة يوم الإثنين وجت البنت تصيح ماتقدر ترفع يدها او تشيل فيها شئ متورمه واحمرت بالمرة اعطيتها مسكن وكمادات على بالي تخف اليوم الثاني انتفخت بالمرة واروح فيها للمستشفى الطوارئ ونوموها وعملوا لها تحاليل وفحوصات والحمدالله طلعت سليمة بس التهاب بالمفاصل وطفح جلدي من التطعيم واخر شئ اعطوها مسكن ومضاد حيوي وقالوا طلعوها للبيت ولو احمرت يدها زيادة جيبوها لنا للمستشفى مرة ثانية واليوم الحمدالله طيبة ماعليها باقي الورم بس شوية ويخف ان شاء الله
والله انا لو كنت فاضية ماعندي متنفس غير المنتدى اقضي وقتي فيه وما يبعدني عن المنتدى إلا الظروف و كثرة المشاغل بالبيت والأسرة احيان اشتاق للمنتدى بس والله من كثر الشغل ما اقدر ادخل بس اشيك عليه على السريع كزائرة واول ما ادخل هالقسم نطمئن على اخواننا واخواتنا الأعضاء ونطلع على السريع
والحمدالله نسأل الله ان مايشغلنا إلا بطاعته يارب
أحبك في الله
أحبك الله الذي احببتني فيه والله يجزاك خير
ويستحقون الأخوات الحبيبات والأخوه الكرام كل تقدير الله يوفقهم ويسدد خطاهم
ويعينهم ويجعل كل مايقومون به في ميزان اعمالهم
|
اللهم آمين يارب والله يجزاك خير وانتي بعد لك مجهود تشكرين عليه الله لايحرمنا منك ولا من طلتك الغالية وربنا يوفقك ويخلي لك اولادك وزوجك وكل محبينك ويسعدك في حياتك ويرفع قدرك في الدنيا والآخرة يارب.
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله