أفيدوني بنصائحكم .. وجزاكم الله كل خير
السلام عليكم ورحمة الله ..
أخواني وأخواتي الغاليين على قلبي ..
أنا ودي استشيركم بموضوع يخصني أنا وزوجي .. وأتمنى تفيدوني بنصائحكم
زوجي بيشتري حاليا ارض عشان يبني بيت المستقبل
ومدخراته الحاليه تكفي فقط لشراء الارض
بالأمس سألني إن كنت موافقه أني اعطيه جزء من ذهبي عشان يبدء البناء عشان مايحتاج يتسلف من أحد ..
فكان ردي عليه انني بعطيه اياه بالتأكيد وعن طيب خاطر .. واذا يبغى الذهب كله فمايغلى عليه ..
فأيش رأيكم بالموضوع ؟ هل تشجعوني على الإقدام على هذه الخطوه أم لا ؟
بالنسبة لي أنا مقتنعه بقراري هذا لسببين
أولا لأنني واثقه إن الله سبحانه وتعالى ماراح يضيعني اذا دارت الايام عليا وخاب ظني في زوجي لأي سبب كان ...
وثانيا لأنني ماأبغى زوجي يزعل مني وياخذ على خاطره لأنني ماوقفت معاه في أزمته ..
أتمنى تفيدوني باراءكم ونصائحكم ولكم جزيل الشكر ...
التعديل الأخير تم بواسطة oO عفراااء Oo ; 06-12-2012 الساعة 02:38 PM