رد : أنا أختنق .. أنا أموت .. أنا و حماتي
حماتك بتغار منك .. بكره أولادك بيكبروا وبتجربي الشعور يا عاشقة 
بتغار لأنه ابنها بيحبك وبتغار يمكن لأنها بتشعر بالفرق الاجتماعي بينكم ..
لا تخليها تشعر بهذا الفارق وخلي امورك الخاصة سواء حديث أو فعل مع زوجك داخل غرفتكم وبعيد عنها .
أيوا حبيبتي .. راعي مشاعرها مع انها غلطت لأنه غلطها ربنا راح يحاسبها عليه .. ولأنه مو معقول لما هي تعصي ربنا تقومي تردي عليها بمعصية مثلها ..
تخيلي شعورها وهي من بيت ولد من أولادها للبيت التاني .. مافي امان ولا في استقرار .. وشعور عدم الأمان هذا بيخليها تتصرف تصرفات غير مسؤولة .
انتي ليكي بنفسك وخلي علاقتك بربنا طيبة وبطاعة حتى ربنا يجازيكي خير .. خلي ودك لها بنية أنه ربنا يحنن قلوب زوجات أولادك عليك بكبرك ويخليهم يستوعبوا اغلاطك ويحتووا مشاعرك مثل ما انتي بقلبك الكبير احتويتيها .
يمكن هلأ ما تقدري تعيشي هذا الجو اللي بحكيكي عنه .. لكن لما يكبروا اولادك وتشوفي قديش تعبتي وعشتي حياتك كلها عشانهم .. ولما بالاخر ما يكون عندك بيت خاص فيكي ممكن وقتها تفهي عليي ووقتها راح تقولي بدي أحتويها وأنا فهمتها لكن بعد شو ؟؟؟؟ بالك بتكون عايشة وقتها ؟؟
زوجك بالنهاية إلك .. راح تعيشي معاه باقي عمره لكن هي كم راح تعيش برأيك ؟ 10 .. 15 سنة ؟؟5 سنين ؟ 3 ؟؟
خليكي انتي الأقوى ايمان منها وانتي اللي بتطلب رضا ربنا من ورا كل تصرفاتها مو رضا حماتك أو زوجك ... ساعدي زوجك على برها بدل ما تحرضيه عليها أو تكرهيها .. انتي بتحكي بدك اياها تروح عند ابنها التاني وزوجة التاني بدها اياها تروح عند الثالث .. معقول هيك تخلي الشيطان يوسوس لك تشحططي هالست من بعد تربية وتعب 20 او 30 سنة ؟؟ عمرها كله ما بيغفر لها غلطها ويخليكي تتعاملي معها متل ما بنعامل وبنساير أي واحد كبير بالعمر ؟ وانتي عارفه كيف الكبير بالعمر بيصير له تصرفات ومواقف تخلي الحياة معاه صعبة وما بيخلينا نتحمله إلا بسبب رغبتنا انه ربنا بلطف فينا لما نوصل لعمره .
بتحبي زوجك يكون متل اللي بنسمع عنهم بالقصص وكيف أساءوا لأمهم أو أبوهم وبالاخر لما كبروا لقيوا نفس المعاملة من أولادهم .
__________________
