ابي زوج يجلس معي نسولف نضحك
نتقهوى مع بعض نتشارك سوالف نشوف برنامج ننبسط احسه بالبيت

اسوي له حلا والي يحب والبس ويشوف لبسي !
اضحك معاه ويضحك معي

تخيلووو بالسرير يقول مو لازم ننام مع بعض مرات جمب بعض!! عادي انا بغرفه وانتي بغرفه!!!
قلت له خير اجل ليش متزوجه انام ببيت اهلي احسن ماشوفك اساسا واذا تبيني اتصل واجيمك نص ساعه وارجع لاهلي

والقهر الضم محدد لي مره باليوم!!
خير ههههههههههههه سكت اول الوقت انكسر خاطري
بعدها قلت له انا احب كذا
راضيني يومين ورجع لطبعه

لاتلمسيني ماحب لمس!!
مالي حريه معاه ابد بسم الله اخاف المسه
صرت ابعد عنه اخاف يهاوشني بس لو هو قرب قربت مره قربت ماعجبه!!
هالايام صرت اقرب غصب شوي انخرس

مو مهم اجلس معاه عنده!! يجي يدخل مجلسه ويفتح مبارياته ويدخن انا وين جالسه وين ميته مو مهم المهم ينبسط
والمهم اطبخ له واغسل ملابسه
زي الخدم
لا ولو عصب قال انا عبد عند اهلك!! اكررره هالكلمه مررره قبيحه ومو من الادب

هالمره قلت له انا العبده مو انت انت ماتسوي لي شي
هديه مافي
مستحيل يجيب لي هديه

اهم شي اغراض البيت!! هنا يشوف انه مررره ماقصر معي

اغراض البيت مو لي فقط

لي وله!! وبالاخير اطبخ له وشو يحب هو

بعد ارجع 1 من دوامي مرهقه
الاخ يطلع بدري مرات 9 من الدوام

انسان لامبالي وينام يشبع نوم ويجي ياخذني

مرتااااح على الاخير

مافي شي يسويه بالبيت بس ينام ياكل يطلع
اللهم يجيب اغراض للبيت لو طلبت !!
واكل لما يرجع 11 وانا ميته جوع انتظره مرات مابي اكل بيت

صرت اخلي سواق اهلي يجيب

وهو طبعا مايتعشى بالبيت!!
مع ربعه ولو اني ماصدقه صرت وشو هالربع الي يوميا مايجلسون ببيتهم!!! وماياكلون ببيتهم

ليش متزوجين اجل!!


هذا ماعنده وقت لي ابدا كله برا يوميا وشو هالعيشه!

قلت له اني احب كذا واني انسانه احب البيت والدفء بايام الخطبه قالي حلوو وانا كذا

كذاااب