السلام عليكم ورحمة الله وبركاته..


اخواني/ اخواتي..
عندي مشكلة والله مشغلة تفكيري حيل..
الله يوفق ويفرج لكل من وقف معاي وساعدني..

انا متملكة لي تقريبا شهرين ونص..المهم.. جرآئتي مع خطيبي مدري ايش اقول لكم.. متوسطة ولا صفر..
لما يكلمني ف الجوال .. يسولف ويقول كلام حلو..المهم لما خلاص يطفش يقول يلا سولفي لي..انا اسولف له سالفه ويالله اجيبها بصراحه كلامي قليل.. اتفاجأ لما يقول مره ثانية يلا قولي سالفة زينة ..اقول ماعندي يقول اقصد كلام حلو زين دلعيني دخليني جو...انا ينلجم لساني..ماادري احس بعض الاحيان مااعرف..وبعض الاحيان احسه حياء..والله تعبت مره كلامي كلام وحده عادية مو كلام بنت لخطيبها..احس حتى لما اقول حبيبي والله العظيم احسها شينه من لساني لأن مااحس انطقها بدلع وثقه.. انطقها بحياء وصوت منخفض شوي..

وصارت لي سالفة صغيرونه بس والله ضيقت صدري...هو غاب كم يوم ماكلمني ولما كلمني...بدا يسولف ولما خلص قال يلا قولي كلام حـلو انا انحرجت من سماجتي..مدري ايش اقوله سكت..شفت طول السكوت قلت يلا سولف..فلأخير حسيت صوته كانه طفشان..جلس شوية بعدين قال كم الساعة<<هذه الحركة يعني انه بينام..قلت نام خلاص انا اكلمك مره ثانية ان شاء الله..قال لا بعد شوية بنام بس قولي لي كلام حلو عيشيني جوي.. قمت الفغرة انا مره ثانية سكت وابتسمت ..


ولما قلت لكم جرأتي متوسطة ولاصفر لأن احس لما يزورني اكون جريئة ..يعني لما طلبني ابوسه ابتسمت شوي وبسته ..وافرح اذا جلس جنبي..يعني اللي استغرب بالكلام استحي وبلافعال لا.؟؟؟

تشفون دا الشى طبيعي^ لأن وربي مقهورة وخصوصا لما قفل من عندي طفشان..

وانا لما ابحث بالنت ابغى اجيب له كلمات على قوله ادلعه ووو...امر على مواضيع شبيه بي لكن استغرب من رد البعض والاغلبية..يقولون خليك ثقيلة لاتبوسينة ولاتتكلمين حتى كلام حلو اعطيه قليل ..ويقولون ان هده تجاربهم زمان...


يعني تحيرت اتجرأ ولا اثقل..
متى اقول له الكلام الحلو..وايش الكلام اللي تتوقعون يعيشه الجو..
وادا زارني اعتذر له ولا لا
وادا طلب مني اي شى اطيعه ولا اثقل..

^^جاوبوني الله يجزاكم الجنة ويسخر لكم ازواجكم وزوجاتكم ..ورجاء ماابغى رد يجرح..لأن دخلت هدا المنتدى املي فيكم بعد الله انكم تساعدوني..الله يسعدكم ابي ادخل الموضوع بكره والقى حلول تسر الخاطر