رد : يوم زفافكم
أشكركِ عزيزتي نور الإيمان..على الطرح الأكثر من رائع
يوم زواجي كان يوم غريب جدا بالنسبه لي..لأني كنت أمر بمرحلة قلق وخوف غير طبيعي فترة الملجة
صباح يوم الخميس رحت الصالون..معاي خواتي
أذكر إني ما قدرت آكل شي..كنت أحس بجفاف بس شربت عصير برتقال مع سندويشة حلوم
لما صار المغرب رجعت بيت أهلي وكانوا مسوين لي حفلة بسيطة وزفه حلوة..تميت للساعة 10 يمكن
بعدين رحت شقتي..ومارحت صالة الأفراح لأني رافضه هالشي
وصلت الشقة بهدوء..كل الخوف اللي فيني راح..استغربت حيل ليش تبخر
زوجي وصل بعدي بمدة قصيرة..وصور معاي فديو..وكنت منغثه حيل منه ومالي خلق..أبي أروح مع أمي بيتنا
لما طلعوا أهلي..جهز لي العشاء وكان مجموعة من المشويات ماقدرت آكلها..بس حطيت حيلي بالمشروبات
أكثر شي غثني..لما كان يتفلسف علي..ويقول لي أي شي يصير بينا يندفن اهني ومشاكلنا بينا وأسرارنا ماتطلع
من الحين يقول لي عاد..!
بصراحه كانت ذكريات ماتعجبني ..لأني ماكنت أعرف شخصية زوجي,.’’