رد : يوم زفافكم
كان هو يجي يحط بالمسجل اشرطة لمحمد عبده وعبادي الجوهروعلي عبد الكريم وامتحني راح الشتاء وجانا شتاء وانا انتظاري إلى متى الشيب يبكي بمفرقي شمعة حياتي بتنطفي وكلها عن الحب والعواطف وانا لما اشوفه حاط اغاني رومنسية تتكلم عن الحب انقهر واقول هذا ماعنده ذوق يقال لكم انا ام الذوق كله اروح للمسجل واقفله واطلع الشريط واحط بداله اغاني وطنية مثل اوقد النار ياشبابها جنة الخلد ياطلابها ومثل بلادي بلاد المنار الهدى عليها ومنها السلام ابتدى وفيها تألق فجر الندى واغنية وطني الحبيب وهل احب سواه كنت ما اسمع إلا اغاني وطنية يعني كنت متبلدة الإحساس والشعور من كل الجوانب كان هو يرسم القلب ويكتب في وسطه احبك انا ارسم قلب مقابل القلب اللي رسمه واحط فيه سهم واكتب عليه مجروح ولما جاء مسافر ترك لي بعض من ملابسه وصوره لذكرى هو سافر من هنا وانا اجمع كل ملابسه واروح اتصدق فيها على اللي يحتاجونها اقول تركها معناته خلاص مايبغاها وحتى صوره اللي خلاها عندي كانت ذكريات من الحرب وهوفي الجبهة شلتها وزعتها على إخواني الأولاد والله احتفظوا فيها احسن مني والباقي اعطيتها لأخته زوجة اخويةهذا غير اشياء كانت تصيرفي حياتنا ما اقدر اقولها هنالاكن ما اقول إلا جزاه الله خير على صبره معاي على كل اللي صار لو واحد غيره والله مايقدر يصبر على اللي اسويه معاه بس هو كان يقول هذا إختياري وانا اتحمل نتائج قراري ما فيه احد له شغل في حياتنا والحمدالله من فضل الله اليوم حياتنا انا وياه مع بعض يضرب بها المثل بين اسرتنا واهلنا بالتفاهم والإنسجام والإحترام والمحبة والمودة بالرغم من إن الكثيرمن الأقارب راهنوا على فشل نجاح حياتنا مع بعض والحين هم من يشيدون بحياتنا الزوجية ويمتدحونها في تعاملنا مع بعض وفي تربيتنا لأولادنا وفي سيردفة حياتنا الأسرية والحمدالله نسأل الله ان لا يغير علينا بالنسبة لباقي الأسئلة الصراحة انا ماكان عندي اهتمام لأيشئ يوم زفافي بس كان عندي الأهم صديقاتي يحضرون الزفاف وفعلا حضروا بالنسبة للبس عادي ماكنت مهتمه بس اختي الغالية كانت حريصة إني اطلع بأجمل حله امام الحضور فماقصرت بالتجهيزات بالنسبة لتصوير ماكان فيه آلة تصوير ولا مصورة والزفاف تجهيزاته كانت الحمدالله من احسن مايكون بالرغم من إن منطقتنا كانت منطقة ريفيه وحتى الكهرباء كانت فيها مولدات خصوصية على حساب اللي يسكنون المنطقة لاكن الحين خلاص الحمدالله كل شئ متوفر والله إني حضرت اعراس في ديرتنا شفت عندهم اشياء في حفلاتهم تتفوق على حفلات اهالي المدن لاكن كلها اسراف وتبذير مالها داعي يعني شئ مبالغ فيه بزيادة وخسايروديون على العريس تكسر الظهر الحين كل ما اتذكر الأشياء الحلوة اللي فاتتني في حياتي في بداية الزواج اندم عليها وعلى تصرفاتي واقول ياربي وش كثر كنت خبله ومجنونه وغبيه وما افهم شئ عن حياة المعاريس والحمدالله من فضل الله عز وجل وتوفيقه لنا الحين وبعد هالعمر مازلنا عايشين حياتنا من احلى مايكون والله يجعل حياتنا وحياتكم كلنا كالعرسان في اول ايام حياتهم يارب ونسأل الله ان يرزق اختنا الغالية نور الإيمان بالزوج الصالح عاجل غير آجل وتجي تحكي لنا تجربتها عن يوم الزفاف هي وكل البنوتات الحلوات يارب انوتوفقهم وترزقهم بالأزواج الصالحين الفالحين والحافظين لكتاب الله عز وجل اللهم آمين يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 16-12-2012 الساعة 01:45 AM