منتدى عالم الأسرة والمجتمع - عرض مشاركة واحدة

17-12-2012, 03:26 AM

أم سلطان1

كبار شخصيات المنتدى

تاريخ التسجيل: Sep 2010

المشاركات: 2,977

رد : يوم زفافكم

اقتباس:

المشاركة الأصلية كتبت بواسطة سيدة الموقف

:*
بنت الحكمي ياويلي منك وش هالعمايل السوداء إلي مسويتها في الرجال..؟!!
ماشاء الله عليه صبور وأنت ولا على بالك مقضيتها سهر مع البنات
وكله كوووم وحكاية حل الواجبات ومذاكرة الدروووس كووم ثاني
ضحكتينا الله يسعدك ويحفظكم لبعض ويحميكم من العين ويجعل أيامكم كلها هناء وسعادة

:*

الله يسلمك يارب ويجزاك خير يالغالية عاد هذا اللي صار واستوى وهاذي ضريبة اللي يفكر يتزو ج بنت صغيرة بالعمر ومالها في شغل البيت ولا هي قد المسؤلية والله إني ما استوعبت مسؤلية الزواج إلا عقب تقريبا ثلاث سنوات وعقلت شوية طبعا بعد ما الوالدة عانت معاي معاناة وهي مرة تنصحني ومرة تعصب وتكفخني حتى تسنعت وصرت حرمه راعيت بيت والحمدالله صار اللي فات مجرد ذكرى بالنسبة لي تندمت على اللحظات الحلوة اللي فاتتني وزوجي والله شكلها ذكريات مؤلمة بالنسبة له بس إن شاء الله إني قدرت اعوضه عن اللي راح الحين لو تذكرنا هاذيك الأيام اعاتبه اقول له انت ليش ماكنت تقول لي ليش ماكنت تنصحني وتفهمني يقول لي وانتي كنتي من الأصل تسمعين احد او تعطيني وجه مثل الناس وخفت اضغط عليك وتكرهيني حينها وماعاد تطيقيني إلا اخليك على راحتك وكل مسبوق ملحوق مثل مايقولون والحمدالله امورنا في النهاية ضبطت والحين عايشين ومبسوطين ويارب لك الحمد والشكر الله لايغير علينا إلا بما هو انفع واصلح لنا في الدنيا والآخرة يارب
وشاكرة لك دعواتك يالغالية وتسلمين ولك بمثل مادعوتي وبارك الله فيك

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق

اشهد ان لا إله إلا الله وأن محمد رسول الله