رد : لاأستطيع تكوين الصداقات وهذا يزعجني
اختى احس فيك الله يعينك
بدى اقولك على شئ باين عليك انك بنوتة مؤدبة وطيبة مررة وهاد صفات لو عرفها الناس لحبوكى حب اخوة فيكى ما بس صاحبوكى بس اللى بعرفة مثل ما بعض الاخوات قالو ان مجتمع الجامعة زمالة وبس ومصالح وبس
ونادرا نادرا ماتلاقى واحدة تبقى معك لبعد الجامعة
لازم تعرفى قيمة نفسك بالاول ميشان تعرفى تردى على اللى يضايقوك مثلا انتى فيك صفات ايجابية كتير
واذا انتى ماقدرتى نفسك ماحدا راح يقدرك خلي شخصيتك قوية من الخارج حتى وان كنتى بداخلك مترددة وعم تغلى غليان ماتبينى اى شئ
اللى بشوفة انك ماشاء الله مجتهدة والله يعينك ويوفقك وهاد ضريبة مو لازم تدفعيها بس اللى باين ان اللى حواليكى بيغاروا منك وبيخلوكى تدفعيها
بس لاااااااااااااااااااااااا تتركى نفسك ليهم اختى
بدى اقولك على كم شغلة انا مقتنعة فيها ميشان اقوى ثقتى بحالى:
- ماتهولى الامور اللى قدامك
- ما تخافى انو تسوى شى راح يخلى اللى حولك ينتقدوك فيه لازم ماتخافى
- ما تفكرى انك فى يوم راح تحسى انك ضعيفة ومافيكى تسوى شى حتى توقفيهم عند حدهم وان مافى شى بيمزيك امامهم هاد نفكير هدام اذا شفتى نفسك هيك راح تستحكم هاد الفكرة في راسك وتكون حقيقة للأسف .
- عمرك ماتحتقرى نفسك او تقولى انا بقدر او شو بدى اساوى لانك هيك ماراح تقدرى تكملى الاربع سنين وراح يأثر على دراستك
انا مانى مع انك تهربى من هاد المشكلة لانه باين ان هاى المشكلة شاغله بالك جدا
اختى الصغيرة بدى ياكى تعرفى انو كلنا سواسية وانو اللى بيفكر انو يضايقك مثل ماحكيتى هاد مشكلتو مو مشكلتك لانك ماسويتى شى واللى يسوى مثل هيك افعال يكون انسان ناقص لانو بدو يلفت انتباه اللى حواليه وبس يعنى زميلتك اللى رفعت شنطتك وقالت هاد مكانها خدى شنطتك وحطيها الناحية الثانية وخليك جالسة محلك وقوليلها هاد مو ملكك واظن ان المكان مو مكتوب عليه اسمك انا بجلس بالمكان اللى بدى ياه ... اذا اتطاولت عليكى لازم تردى عليها
وكل واحدة تعيط عليكى اقصد تصرخ فيكى فى مشروع جماعى او هيك قوليلها " علو صوتك دليل على ضعف موقفك" والله انها بتشيط منك قوليلها "انا مانى باقل منك ميشان ترفعى صوتك على اتكلمى معى بهدوء لانى ما بسمح لحدا انو يتطاول على كلنا بمشروع واحد ميشان هيك لازم نحترم بعضنا " اذا قالتلك انك مابتفهمى قوليلها لا بفهم اذا اتكلمتى بهدوء واقدر اسوى اللى تسوية اذا بدك يانى اشرحلك راح اشرحلك" والله انها راح تسكت وماراح تتكلم
اعرفى ان كلام الناس ماراح يخلص ... بس اللى لازم تعرفيه ان كلامهم مو منزل ميشان تصدقية وتخليه فاصل بحياتك
بس لازم لازم تتجرأى اذا رديتى مرة ما راح تخافى وراح تجيلك ردود احسن كل مرة اللى بتسكتى بيها كل اللى حواليك
وميشان تزودى ثقتك بحالك اول ما يجيلك احساس الظلم والإحتقار من اللى حواليك سواء أهلك أو اقاربك أو زملائك فكرى ان هاد ما راح يغير الحال بس راح يخلى حالتك النفسية صفر شجعى حالك واقنعى نفسك انك قوية وانك بتثقى بحالك وعليكى انك تخرجيها .......... اقتنعى تماما انك بتثقى بحالك ثقة عالية جدا لأنها راحتترسخ بعقلك وراح تبان على افعالك لانك اذا ربيتى افكار سلبية راح تكونى سلبية .....واذا ربيتى فى عقلك افكار ايجابية راح تكونى ايجابية وتكون ليكى شخصيتك
اذا ما عرفتى تسوى هيك ماراح تموتى بس خلى عندك عزيمة ان تقوى شخصيتك وتسوى مثل ماقلت واصبرى وان شاء اللى اسمع منك انك صرتى انسانة واثقة بحالها
واذا باول سنة ماتصاحبتى على حدا مافيها مشكلة راح تشوفى انو بشخصيتك الواثقة بحالك راح تجذبى اصدقاء بس لازم تاخدى بالك من اللى تصاحبية ما تصاحبى حدا يخليكى تتراجعى بدراستك خليك دايما حذرة ..
وصدقينى كان عندى صاحبات بالجامعة 4 واحدة فيهم ماعرفتها الا باخر سنة انه ماهى منيحة ولئيمة وانها استغفلتنى اربع سنين والباقى كل واحدة بحالها وبيتها وبشغلها الحينوفين وفين اما نتصل ببعض... وفيه صاحبات ثانية ماكانوا يطيقونى ايام الجامعة بس اما سويت دبلومة ماكان فيه غيرهم معى بس عرفتهم وعرفونى عرفت كيف كانوا يشوفونى بس اما عرفونى بسنتين الدبلومة بعد الجامعة حبونى وللحين بنتصل ببعض... المهم ماضرونى بشئ عدائتهم الى بالعكس هيك عداءة قوتنى فى دراستى انى لازم اكون احسن مو لازم ماديا بس علميا.....
الله يوفقك بدراستك ويهديلك اللى حواليك