رد : عاشقات حلم الامومه
السلام عليكم ورحمه الله وبركاته
كيفكم خواتي وحبيباتي وروحي الي تنبض بالحياة يشهد الله اني مانسيتكم لحظه وحدة ولكن مريت بظروف والحمدلله رب العالمين علي كل حال
في البدايه حبيت اقولكم اشتقتلكم اشتقتلكم شوق مايعلم فيه غير رب العالمين
اول شي طبعا ابوي تقريبا من اربع شهور تعب تعب تعب بالمرة الله يشفيه ويعافيه ويطول بعمرة طبعا انتم عارفين من اول ان ابوي مقعد له سنين طويله لكن الحين تقريبا تعب كل شي فيه من اربع شهور حتي الجلوس صار مايعرف يجلس صار بعد الدنيا يضيع حاجات كثيرة وش اقول وش اخلي غير ان ربي حبيبي ارحم مننا كلنا عليه وقادر يشفيه ويعافيه ويرجعه لصحته ياكريم
غير كذا حملت مرة ثانيه بعد تسقيطتي الاولي وشاءالله اني اسقط مرة ثانيه والحمدلله رب العالمين علي كل حال
وبعد كذا سبحان الله غابتني الدورة شهرين واحلل مافي حمل وبالاخير الحمدلله الذي تتتم بحمدة الصالحات طلع حمل طبعا بالبدايه خفت لاسمح الله من الاسقاط وقررت لي الدكتور ابر هيبارين يوميا تلافين لاسمح الله للاسقاط ولكن حط الله حبيبي استشاري ممتاز بطريقي الحمدلله وقرر بس اخذ اسبرين مع تحاميل مثبته بعد الله ودفاستون ووالاهم راحه تامه تامه ولكم ان تتخيلون كيف مرة هلي الثلاث الشهور الاولي من الحمل والوحام الي هلكني هلك ومافي طلعه والاروحه وسكنت عند اهلي من التعب الي شفته والحمدلله بالاول والاخر والحمدلله بكل لحظه الحين تقريبا توي بدايه الخامس لي 19 اسبوع الحمدلله الحمدلله والله يتمم الباقي يارب علي خير
طبعا للان مستمرة علي المثبت بعد الله والاسبرين وصرت اطلع واروح بس علي خفيف
ابوي الحمدلله علي حالته طبعا مايشتكي من مرض الحمدلله لكن سبحان الله كل جسمه طايح الله يشفيه ويعافيه وكل مريض
حمودي حبيبي كبر ربي ولك الحمد والشكر صار رجال وصار يتكلم وماباقي شي يكمل السنتين بحول الله وقوته ربي يخليه ويصلحه ويقر عيني فيه ياكريم ويخليلكم ماعطاكم ويفرح ربي حبيبي كل العشوقات بالذريه الصالحه ياكريم ياعليم
عشوووووووووقه اشتقنالك يالغاليه الفرج قريب والله قريب كل مرة تخطرين علي بالي اقول ياتري وش اخبارة بهالدنيا وادعيلك من كل قلبي ربي يفرحنا قريب بخبر حملك بالطفل السليم المعافي البار
حلومه ام طيور الجنه ربي حبيبي يجمعني فيك بجنه عرضها السموات والارض احبك بحجم السماء يااختي
والله باذن الله قريب رح تفرحينا يالغاليه بالخبر السار باذن الله قلبي معاك يشهد الله
ام عبودي العسل كيفك وكيف الوالدة والاولاد طمنيني عنكم يشهد الله ديم بالي اقول عبودي ويزود كبروا حملت الامورة كرستالا ام الحلوين يالله تري نستني باذن الله دانه للحين مانسيتها خليني ازوجها حمودي يعجبك باذن الله
الله يخليلك ماعطاك وتقر عينك فيهم ياكريم يااحلي عسل بالكون
ام ايوب الامورة ديم سباقه بالخير وانتي الي منورة التجمع بكلامك ودعاويك ربي يعطيك لحد مايرضيك ويعطيك علي قد نينك الطيبه
ام كريم الطعمه ام دم خفيف ربي ينصركم ويهدي بال الشعب المصري وكل بلاد المسلمين والله القلب يتعب والعين تدمع يوم يشوف الحاصل بمصر لكن الفرج قريب باذن الله
ربي يخليلك الامامير وتفرحين فيهم وبعيالهم ياكريم
ام يوسف اشتقتلك يابنت يعلم الله كيف سما ويوسف مودك تخاوينهم خخخخخخ باخت اواخ ربي يخليهم لك ويقر عينك بصلاحهم
الغاليه ام الجميع القريبه علي قلبي ام محمد غلويه الحلوة كيفك يالغاليه وكيف الاولاد ديم بالي تذكيرك لنا بالاستغفار وسورة البقرة ربي يعطيك علي قد قد قد نيتك وقلبك الكبير احبك ياشيخه لله وبالله ربي يجمعني فيك بجنه عرضها السموات والارض
مني حبيبتي ربي يفرحني بخبر حملك قريب ياكريم ياعليم وماعند الله بعيد يالغاليه
مرميس كيفك وكيف اوضاعك مع زوجك ربي يسعدك ويفرج همك ويرزقك بالقريب العاجل بالذريه الصالحه عاجلا
سلمي ام عبودي الصغنون ربي يشفي ولدك ويعافيه ويقر عينك بصلاحه
ام جويريه مبروك الف الف ميروك البنوته وربي يخليها هي واخوانها ويقر عينك فيهم ويشفيك ويعافيك ومبروك الحجه عساها حجه مقبوله يارب
اوراق ملونه الف ميروك الحجه وعقبال منباركلك بالحمل السليم عاجلا غير اجلا
مريومه الف مبروك الحمل يالغاليه ربي يتمم لك علي خير
ام محمد ربي يخليلك ولدك ويرزقك باخت له ياكريم عاجلا
نعيمه يام شهيد العسل طمنينا عنك وعن الحلو شهيد
بنات معليش اذا نسيت احد بس ماقدرت اقرا كل الصفحات الي راحوا علي بس قريت علي السريع كم صفحه
طبعا فقدت الغاليه زهور الدعاء الله يجعل غيابه خير يارب
باقي البنات اعذروني اذا نسيت احد
بنات دعواتكم الطيبه لي
معليش الوحام للان معاي مخف سبحان الله واحيانا حرقان والله المستعان والحمدلله علي كل حال
وان الله يتمم لي علي خير ويفرحني بجنيني بحضني بصحه وعافيه ياكريم
احبكم كلكم يشهد الله بس الظروف ماتصير علي كيف الواحد ديما
اسال الله الي جمعني فيكم بدنيا فانيه ان يجمعني فيكم بالجنه ياكريم
اعذروني اذا في اخطا اكتب من الجوال علي السريع
__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك
التعديل الأخير تم بواسطة غموض السنين ; 20-12-2012 الساعة 04:16 AM