رد : ارجو المساعدة
هههههههههه الله يحفظك يا اوناا شكل الجني كان يدون يومياته في تقويم التواريخ او ان عنده مهمه بيشوف متى يومها وتاريخها وانتي نغصتي عليه وضايقتيه بالصلاة وسمع صوتك وخاف وارتعب ورمى التقويم من ايده وطار
بالنسبة لسؤالك عن الأعضاء ليش ماهم متواجدين بكثرة ليش خايفة كمان لايطلع لك شئ في المنتدى وانتي لحالك جالسة تفرفرين فيه وتشتكين منهم بعد شكلك طفشتيهم يابنت ونكدي عليهم عيشتهم هههههههه امزح معاك ترى اختك ام سلطان موجوده وحسه عينه الجني يقرب للمنتدى وانا جالسة له في المنتدى الحين
بعدين يالغالية ليش نعطي الجن اكبر من حجمها ترى والله هي مثلنا مخلوقه وماتقدر تؤذينا بشئ إلا إذا الله قد كتبه علينا ليش الخوف منها انتي موقنه ومؤمنه بأن الله هو القوي وهو المهيمن وهو الجبار ربنا اقوى من كل شئ مخلوق انتي ثقي بالله وقوي إيمانك بالله عز وجل وتحصني بذكر الله وخلي ثقتك بالله عز وجل كبيرة ليش الخوف رددي في داخلك وفي نفسك إن الله معي وانا في حفظه ورعايته ماراح يضرك شئ بعون الله
بعدين ترى انتي والله إنك إمرأة متدينه وعلى خير كثير كذلك نحسبك والله حسيبك
وبالنسبة لقوم يأجوج ومأجوج والمسيح الدجال وهاذي كلها ترى قرأتها في كتاب ينقال له نهايةالعالم لشيخ الفاضل محمد العريفي وفيها تفاصيل واحداث دقيقة وموثقة وترى انا احب الكتب اللي مثل كذا واقرأ واطلع على الكتب اللي تتحدث عن اهوال يوم القيامة وعلامات القيامة الكبرى والصغرى وعن عذاب النار وعن نعيم الجنة باقي كيف لو تقرأين عن الجن والشياطين وعن الحالات اللي شفيت من المس وعن القصص اللي يقولونها المشايخ الرقاة وحديثهم مع الجن وعن كيفية التعامل معاهم إذا وجدتهم عندي قصة صارت لواحد من اخواني بذكرها لك بس اخاف ماعاد تنامين لمدة اسبوع بس خليني ساكته احسن عارفة ان ضغطك الحين مرتفع مني ومن كلامي بس وش اسوي اول مرة انكشف وحدة من اعز صديقاتي بالمنتدى خوافه وتخاف من شئ مخلوق خليك قوية ولاتخافين ترى والله ان الجن ماتقدر على المسلمين وإنهم ضعفاء وماعندهم قوة ومايتسلطون إلا على اللي يخاف من ذكرهم ويخشاهم هذاك يستقوون عليه ويطلعون شطارتهم فيه يبهذلون فيه لاكن الإنسان القوي بإيمانه وربه والله غير هي تولي منه هاربه لأنها تكره اللي متمسكين بالدين واللي ايمانهم قوي واللي مايخافون ولا يخشون إلا الله سبحانه وتعالى هو اللي يستحق ان نخاف منه ونخشاه واتركي عنك خنزب واتركي عنك ولهان خلي كل واحد في مكانه ولا تفكرين فيهم التزمي بصلاتك واذكار الصباح والمساء وبعون الله ان خنزب وولهان وعيال عمهم كلهم يشيلون قشهم ويطلعون من البيت ويحرمون يدخلونه مرة ثانية
يالله عاد لا تخليني اشوفك مرة ثانية تقولين خايفة ولا مرتعبة ترى والله ان بيتي اللي الحين انا ساكنه فيه سمعت عنه الهوايل من جيراننا اشياء تخوف مابقولها لك الحين وكل من سكن فيه نصحني من السكن فيه لاكن انا توكلت على الله وعملت تحدي انا استعنت عليها بالله وقلت يا انا ياهيه في هذا البيت وسكنت فيه وكل الجيران مستغربين إني للحين مازلت ساكنة في هذا البيت وان انا وعيالي بخير وعافية عاد احنى لانعطيها اكبر من حجمها ولا نفكر فيها هي حالها حالنا مخلوقة وماتقدر تسوي لنا شئ إلا بإرادة رب العالمين فلاتخافين ولا تجزعين وخليك قوية وش هالخوف شيليه من قلبك واستبدليه بالإيمان بالله والثقة بقدرة الله عز وجل وربنا يحفظك من كل شر وسوء يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 21-12-2012 الساعة 07:34 AM