منتدى عالم الأسرة والمجتمع - عرض مشاركة واحدة

24-12-2012, 01:56 AM

#58

نور الإيمان

العضو الماسي وكبار الشخصيات

تاريخ التسجيل: Jul 2008

المشاركات: 6,354

رد : يوم زفافكم

اقتباس:

المشاركة الأصلية كتبت بواسطة بنت طيبة الطيبه

اصبرو بضحك هههههههههه يسعدك ياأم سلطان ذبحني الضحك ... ياويلي عليك من جد مهسترة ماأنت طبيعية هههههه تكفين إذا تذكرت شيء أكتبيه موتيني ضحك أجل يقالك رومانسية مشغلة أغاني وطنية ,,, بس حزني لما قلتي له لو قعدت خمس سنين عادي مجرمة حطمتيه ... يارب يتم عليك سعادته ويوفقك انت وزوجك دنيا وآخرة يستاهل ابن الحلال اللي صبر عليك الصبر هذا كله ... على فكرة أم سلطان أنا من جيلك تقريبا بس عاد ماتزوجت صغيرة زيك كذا لي تقريبا تسعة عشر سنة متزوجة وبازوج بنتي البكر السنة هذي إن شاء الله ..

تسلمين يانور على الموضوع الحلو وسعت صدورنا فيه الله يوسع صدرك بالعافية لي رجعة أكتب ذكرياتي إن شاء الله

جزاك الله خيرا عزيزتي على دعواتك الطيبة ، وربي يسعد بنتك ويفرح قلبك ويقر عينك برؤيتها عروس ورؤية اولادها آميين

اقتباس:

المشاركة الأصلية كتبت بواسطة بنت الحكمي

مشاعر انسان بارك الله فيك وجزاك الله خير وما عندي مانع تحتفظ فيها واسأل الله ان يوفقك ويرزقك بنت الحلال اللي تسعدك وتسعدها

الغالية روح المساء الله يسعدك يارب ويحفظك وشاكرة لك دعواتك واسأل الله عز وجل بأن يرزقك بالزوج الصالح ونراك هنا قريبا ان شاء الله تحكين لنا هذا اليوم السعيد يارب .

همس القلوب جزاك الله خير وبارك الله فيك واسعدك الله في حياتك يارب وشاكرة لك دعواتك الطيبة ولك بمثلها ان شاء الله.

بنت طيبة الطيبة مرحبا بك غاليتي واسأل الله ان يسعدك ويفرحك ببنتك واولادك جميع يارب ويجعلهم قرة عين لك
ونعم هناك تقارب بيننا تقريبا بالعمر وسبحان الله ربنا ماكتب لنا انا وزوجي بالخلفة من بدري جلسنا تقريبا عقب الزواج 8 سنوات ما خلفنا وعقبها الله رزقنا والحمدالله ولدي الكبير الحين يخلص 15 سنة في شهر 6 من السنة هاذي واللي عقبه يخلص 14 سنة في شهر4 من نفس السنة والحمدالله والشكر كل تأخيرة فيها خيره على قولت زوجي يقول الحمدالله الله رحمنا ما خلفتي من بدري اول ماتزوجنا وإلا كان ضحاياك الحين كثار إلا ربك ستر

شكلي كان لوحملت هاذيك الفترة كان وزعت عيالي على أمي وأمه اقول لهم شيلوهم ما ابغاهم ههههههه

المواقف والله كثيرة لاكن والله بعضها صعب اذكرها هنا لاكن ان شاء الله لو سنحت لي الفرصة و تذكرت شئ راح اقوله لكم إن شاء الله

والحمدالله ترى كل اللي صار معي وحدث يبنات من جهل بسبب صغر السن وكمان ماكان فيه هناك تثقيف كافي من الناحية هاذي اليوم من فضل الله عز وجل سخر لنا ادوات التقنية من النت مثل المنتديات اللي مثل منتدانا ومن مراكز تعقد دورات تثقيفية للي ييتزوجون وكمان البنت تلاقي لها زميلات وصديقات مقربين منها ينصحونها ويوجهونها وحتى في التلفزيون تلاقي فيه برامج تثقيفيه وتوعويه للمتزوجين والمقبلين على الزواج وماعاد فيه شئ في وقتنا الحاضر يستخبى او نجهله الحمدالله مثل هالأمور صارت واضحة واللي تبغى تتثقف بضغطة زر تلاقي كل شئ تريده من المواقع الموثوقه والنظيفة لاكن انا نشأت في بيئة منغلقة تماما حتى النظرة الشرعية كانت في مجتمعنا غير مسموح فيها كانت تجي ام العريس واخواته يشوفون البنت ويتفقون اما العريس والله مايشوف لها طرف إلا ليلة الدخلة ممنوع وعيب وحرام ومايجوز هذا اللي تربينا عليه واللي تعودنا نشوفه ونسمعه من اهالينا وعلينا إنا نسكت ونحترم رأيهم ونسمع كلامهم ولو خالفناهم نعتبر عاقين لهم لاكن الحين الحمدالله الكثير من الأمور تغيرت وصاروا الناس اكثر علما ومعرفة بمثل هالأمور وزاد فهمهم وعلمهم بالشئ اللي كانوا يجهلونه من وسائل الإعلام الدينية والثقافية المسموعة والمرئية والمقروءة وتغيرت كثير اشياء وعادات وتقاليد ماخلق الله بها من سلطان والكل اصبح يعلم ماله وما عليه والحمدالله والشكر لرب العالمين على ما انعم به علينا من نعم ونسأله عز وجل ان يحفظها علينا من الزوال

وشاكرة لك مداخلتك ولو عرفت ان قصة زواجي بتسعدكم كذا كان ما استنيت نورالإيمان حتى تجي تحط هالموضوع كان من بدري كتبتها لكم علشان نشوف ابتسامتكم الغالية

والف شكر وتقدير للغالية نورالإيمان اللي اتاحت لنا الفرصة لسرد تلك الأيام الجميلة والرائعة اللي مضت من حياتنا بحلوها ومرها الله يجزاها خير ويرزقها ماتتمنى يارب .

وانا اضم صوتي لكل من شكرك ودعى لك واقول آمييين ، ويجزاك ويرزقك ويبارك فيك وفي احبابك اختي الغالية ام سلطان مشاركتك اسعدتنا جميعا بارك الله فيك عزيزتي