رد : اه تعرضت للكسر المره الثالثه في الانف دعواتكم تكفون
اقتباس:
المشاركة الأصلية كتبت بواسطة قلب مشغول
وعليكم السلام ورحمة الله وبركاته
الله يجزاك خير
سبب الضربه صقعت في باب المحل كنت امشي وعيوني في الارض كنت احسب الباب مفتوح
الحمدلله على كل حال
|
صقعتي في الباب والله انها تصير واجد لزوجي هالصقعات خصوصا الأبواب الزجاجية اذكر مرة ضرب بوجهه والحمدالله جت سليمة بس جبهته صار فيها مثل الكورة وكمان واحد من اولادي تقضينا من محل وجينا طالعين وهو يجيك مدرعم على طول على الباب وانه طرااااااخ في الباب الين رجع للخلف وطاح صار جالس والناس جلست تطالع فيه وهو تلفت الا والناس تطالع وتضحك عليه وقام مستحي وخجلان وطلع على طول لسيارة ولما ركبنا في السيارة الا وهو يصيح ويقول اخ ياراسي صقع براسه طبعا اخوانه وابوه ميتين عليه ضحك وللحين يذكرونه فيها حتى كل مانمر من عند المحل هذا يجلس يقول الله لايبارك فيه هذا المكان اللي طحت فيه والناس ضحكت عليه بس الصراحه حتى انا لم اتذكر شكله لما ضرب بالباب وهو جالس وماد رجوله يضحك بالمرة
والحمدالله انها جت سليمة مافيه غير انتفاخ بسيط جاء في راسه
الأبواب الزجاجية والسير الكهربائي اللي بالمولات وبعض الأسواق لو ما انتبهنا لها خطيرة علينا وعلى اطفالنا .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله