آمين
الله يسلمك يارب

اهلين عصامية
شكرا كتير لصراحتك
شوفي انا ما رح اتوقع اي شي من الشرق الاوسط شبيه ببريطانيا بس نحن صدقا كرهنا غربة الغرب
نحن ناويين هجرتنا في سبيل الله زوجي كل يوم برجع من الشغل مو مبسوط بقلي مافي عزة للاسلام مافيكي تبوحي بأفكارك . ليش ناخد علم و نعطيه لغير المسلم خصوصا بعد ما راح لسورية لمعالجة الجرحى كتير تغيرت افكاره وخلص اقتنع بالعودة لسورية .. الخ وانا معه بالفكرة لأني تعبت من موضوع اللغتين مع اطفالي صراحة ما عم بيحكوا ولا كلمة عربي
السعودية آخر خيار بين خياراتنا او خياراتي انا (صراحة) لأني بعرف طبيعة زوجي (قياس ملابسه ماااااا بيعرفه )
استحالة التسوق مع زوجي و انا ما بقدر بتخيله رايح شوبنغ اصلا حطيه على شغل و اخبار وبس
انا عم بستخير و بدعي انه رب العالمين ييسرلنا الخير
لو تحررت سورية فهي خيارنا الاول بغض النظر عن سوء المعيشة بس المهم مايكون فيها قصف
و لو ما تحررت مالنا الا دول الاشقاء العرب (اذا قبلونا)
بالنسبة للشباب التافه و قلة اخلاق بعضهم هي موجودة بكل البلاد العربية و انا بنت بلد عربي و بعرف تماما انه رح اتعب من هالناحية
بس اني اقضي حاجات البيت اكتر شي شاغل بالي كونه معاناة شبه يومية
زوجي قدم السيرة الذاتية لخمس بلدان (3 منهم عرب) و منتظرين الاجابة يمكن ننجبر على خيار واحد بالنهاية
اللي الله كاتبه رح يصير
انا من الشي الي عاشوه اهلي بحس انه كل البلاد جنة بكفيني وجود كهربا ومي و أمان

__________________
.
.

استودعتك أهلي في سوريا يا من لا تضيع ودائعه