منتدى عالم الأسرة والمجتمع - عرض مشاركة واحدة

07-01-2013, 08:38 AM

#42

نور الإيمان

العضو الماسي وكبار الشخصيات

تاريخ التسجيل: Jul 2008

المشاركات: 6,354

رد : حق الزوج

اقتباس:

المشاركة الأصلية كتبت بواسطة بنت الحكمي

اللهم امين يارب ولك بمثل مادعوتي لي ويشهد الله اني الحين ارتحت وتطمنت من ردك كنت بروح انام وخفت انك تكوني زعلتي مني او ضايقتك بكلامي فماحبيت احط راسي وانام وانتي ماخذه في خاطرك مني شئ
ونسيت اقول لك الله يبارك في عمرك انتي باركتي لي على الترقية في موضوعين لك بس ما امداني ارد عليك والحين رديت الله يجزاك خير ويبارك في عمرك وعملك ويجعلنا واياكم كما يظنون بنا من خير واستودعك الله الذي لاتضيع ودائعه. أختك ومحبتك في الله ام سلطان

نوم الهنا اختي الحبيبة ، ما شفت منك الا كل خير ربي يسعدك تستاهلي كل خير وربي يعطيك على قدر قلبك الابيض المحب للخير

اقتباس:

المشاركة الأصلية كتبت بواسطة ام بدر وسميه

اختي نور الايمان اعيبني سوء اختياري ليش حنا نختار

والله حنا عندنا عادات وتقليد تحكمنا وش تبين دليل اكثر وانا اعطيج
بس ماودي اطلع عن صلب الموضوع
بس الواحد لم يكتب موضوع يتقبل وجهت نظر اللي يرد
لايجوزياختي تفسرين كلشي علي هواج وتقولين البعير مااااجف عوجت رقبته
تر حنا مااااااانكتب شي على هوانا هذا من خلال تجربنا بالحياة ياختي
واللي نشوفه لاتزعليييين ولاتترفزين مني لان اللي شفته بالحياة جان جداقاسي ولازم
يكون صدرج شمالي بس انا قلت لج لاتعممين
دمتي بود حبيبتي

هلا حبيبتي ام بدر وسمية ، والله انك عسل ، يعجبني السمايل اللي تكون وسط كلامك رغم انك معصبة كما باين امامي ، ما كنت اعرف ياقلبي انك تقصدي نفسك ؟ لان لك مشاركة في موضوعي السابق ذكرتي ان زوجك انسان نادر وطيب ، كيف بيخطر ببالي انك الان تتكلمي عن زوجك وتصفيه بهالصفة ؟ يعني انا استثنيتك انتي وزوجك من هالكلام وزعلتي لاني ما كنت اقصدكم ؟

ما كنت اعرف انك تتكلمي عنكم ، وبالعكس الان اتيت من موضوع اختي بيتا وذكرت لها كم هي بطلة لانها تزوجت بسن صغير واعتبرك انتي كذلك لانكم حاربتم بكل ما تعني الكلمة من معنى وسبق وذكرتلك هالكلام واكدت ان اللي مريتي بيه كان فعلا قاسي ومسؤولية على زوجة بسنك ما كانت مؤهلة نفسها لهالمسؤولية

والنعم بعاداتكم الطيبة

والسموحة منك حبيتبي