اختي مجاهده..

قبل ما اتكلم عن وضعج الحالي... خليني اعلق على كلامج عن صديقتج... مممممم... الكل قال لج انها حسدتج على زواجج؟ معليش اسمحي لي يا مجاهده على الكلام اللي راح اقول له.. و يمكن يضايقج... زوجج ما فيه ذيك المميزات الكبيره اللي تخلي الواحد يحسدج عليه... .واحد مطلق مرتين... و يعني مب لين هناك... فتحسدج على شو بالضبط؟؟؟

ليش ما تقولين انها زعلت منج لأنج خبرتيها بعد العقد.. و بصراحه لو كانت صديقتي سوت نفس الحركه كنت راح ازعل واااااااااااااااااااااااااااااااااااااايد خاصة إذا كانت علاقتي فيها قويه و هي ما كلفت على نفسها انها تقول لي انها راح تتزوج و راح يكون العقد في اليوم الفلاني.. عذر ان كل شي صار بسرعه بصراحه يا مجاهده عذر اقبح من ذنب... مجرد شماعه نحط غلطتنا عليها... نصيحتي حاولي تصلحين علاقتج مع صديقتج... لأنها مصدومه من اللي صار... طبعا كلامي هذا كله إذا كانت علاقتج فيها قويه قبل العقد... لا تخسرين صديقتج بهذي الطريقه يا مجاهده..

خلينا نرجع لج الحين...

الغصه اللي في حلقج ما راح تروح بسهوله.... انا ما بقص عليج و واقول لج في شي سحري يخلي الأمور تصير زينه بين ليلة و ضحاها لأنها هذا جذب.... كل شي في هالدنيا ياخذ وقت يا مجاهده... اعرف الغصه اللي في حلقج و جربتها من فتره ليست بالقليله... و لكن بالتجاهل.. و الرياضه و الإسترخاء و اهم شي الحديث.. راحت هذي الغصه اخيرا... و بتقبل الواقع المعاش.. راحت هذي الغصه...

إذا ما عندج حد تكلمينه... خذي ورقه و شخبطي فيها... و بعدين اكتبي كل شي بخط يدج.. تخيلي انج تكلمين حد و تفضفضين له... ورقته هي هذا الشخص يا مجاهده.. طلعي كل اللي في خاطرج فيها.. و بعدين احرقيها... احرقي المشاعر المتعبه كلها..

حاولي تقرين لو صفحه من القرآن في اليوم... و سبحي و هللي و كبري و استغفري...

ادعي في صلاتج "اللهم انزل السكينه و الطمأنينة علي"..

الله يسهل امرج اختي..