منتدى عالم الأسرة والمجتمع - عرض مشاركة واحدة

11-01-2013, 10:27 PM

#56

أم سلطان1

كبار شخصيات المنتدى

تاريخ التسجيل: Sep 2010

المشاركات: 2,977

رد : زاويه جمآل

اقتباس:

المشاركة الأصلية كتبت بواسطة الفردوس غايتي

الله حيها .. الله حيها

الله يحيك ويبقيك يارب
تو ما نور الموضوووع بطلتك يا ام سلطان

ولو يالغالية الموضوع منور بصحابوووه
كنك حاسه فيني زخرفت اجل هااه

بس بالله كيف اعجبك .. تراي اعتبره عربون اعتذار لك انتي تحديدا

ولو كيف مايعجبني وهو من فردوسه الغالية كل شئ منك حلو وجميل ورائع كروعتك وجمال روحك الطيبة
وياليتك ترضين ..

على ايش اعتذار ما اخبر ان بيننا شئ صاير اه عسى خير وش مسوية من وراي وانا ما ادري من جد والله إلا ترى والله اني فرحانه فيك وانتي هنا ومنزله هالموضوع التحفه وكمان مشاركاتك المفروض الإدارة تعطيك 10\10 على الأداء المتميز هذا مشرفة وتعبانه في مهمتها وفي ادائها وتنزل مواضيع حلوة ومميزة بالله فين بيلاقون الإدارة احسن منك يافردوس من جد والله انك مميزة في كل شئ الله لايحرمنا منك ومن طلتك ومن مواضيعك الحلوة

شوفي يا ستي .. بقولك على طريقتي مع بنتي .. كل ما شافتني امشط شعري

ازعجتني ماما ابغى شعري طويل حطيلي دوى .. يا عمي تحب الطويل

جيت فهمتها على الجرجير والجزر قلت يا ماما تبغين شعرك يصير لين ظهرك قالت ياليت

قلت كلي هذا كل يوم .. و ما صدقتتتتت البنت

والله العظيم صايرة مهتمة بالجرجير و صرت كل ما ابغاها تاكل اقول لها ترى هذا يطول الشعر

وهي يا حليلها تاكل حتى لو شبعانه الله يحفظها لي

اللهم آمين يارب
كلمتني مرة جدتها قالت ازعجتنا بالجرجير قسم يا تسدحت من الضحك

تكفون اذكرو الله عليها

ماشاء الله تبارك الله الله يحفظها ويخليها لك يارب ويقر عينك بشوفتها هي واخوها معاريس يارب
الزبدة يا خيتي .. حمسيها على الأكل الصحي هذا يطول وهذا يقوي وهذا وهذا

لين بإذن الله مع الوقت بتشوفيه متحسن وطولان و محلو ..

وبالنسبة للنشفان بقولك على كريم غارنييه بصراحه يجنن وريحته كمان حلوة

بالنسبة لطويل والكثيف هو طويل وكثيف الحمدالله من هالناحية لاكن انتي ماقصرتي يافردوس تبغين البنت شعرها يضبط من هنا وارجع اسوي لها رجيم من هنا هههههههه حلوة عاد لاكن انا بنتي راح تاكل ومو مقصرة من هالناحية الحمدالله تحب كل الأكل الصحي من خضار وفاكهة وسلطات لاكن بنشجعها على الجرجير هو الوحيد اللي ماتاكله تقول انه حار اللي اصغر منها تاكله بس مو حبا فيه إلا تحدي لأختها انها هي اقوى منها وعلشان تورينا انا وابوها انها قوية ومايحرقها الجرجير في لسانها تقول لأبوها اختي خوافه شوف انا اقوى منها ما اخاف وتجيك تاكل وهي تشرب موية وعيونها تدمع هييه يابنت وش فيك قالت عطشانه وش فيها عيونك كذا تدمع قالت سلطان خاصمني او يطالع فيني المهم تلزق عذرها بواحد من اخوانها علشان تصرفنا عن السبب الحقيقي اللي ورى سيلان دموعها وهي عامله فيها انها ماتخاف من الأشياء الحارة وتقول شوفوني انا آكل الأشياء الحارة وما اصيح منها علينا هالسوالف في النهاية لما اشوفها عيونها طالعه اربع اربع من الحرارة اقول لها شكلك يابنت شبعتي صح تقول ايه خلاص شبعت وطيران على الثلاجة تشرب موية مرة جيت وهي مطلعه لسانها وتنافخ من الحرارة ضحكت عليها الين عيوني دمعت وكانت تقول لي لاتعلمين ابويه خلاص يعني اهم شئ عندها ابوها لايدري

وفيه كمان كريم بالمرز استخدمه لبنتي روووعه

هاذي افضل نوعين انا جربتهم بنفسي ولقيت نتيجه حلوة لشعري وشعر بنتي

وفيه بخاخ شفته قبل فترة و ناويه اروح اجيبه ما قد جربته

اعجبني انه خفيف تبخين على الشعر وهو مبلل و يعطيك لمعه وبنفس الوقت

كله زيوت معالجة للشعر ..

إن جربته بحط صورته هنا و اقولك ..

الله يسعدك يا ام سلطان .. جيتك نور لو تدرين

الله ينور عليك حياتك وعيشتك يارب انا والله اني اسعد واسعد بتواجدك معانا ومواضيعك الحلوة ويشهد الله اني احبك في الله

وان شاء الله اني راح اجرب النوعين اللي قلتي لي عليها لأن انا مشكلتها انه ينفش على طول بالرغم من انه ناعم لاكن تحسين بعض الشعر يوقف مايتماسك مع بعض الا لو حطيت لها كريم انا استخدمت لها كريم دابر املا مو زيت كريم وقبلها كنت استخدم فاتيكا حسيتها مثل بعض طبعا قبل فترة لما كانت بالمدرسة جيت امشط شعرها وحصلت في شعرها صيبان وفتشت شعرها لقيت حبتين قمل وخفت لاتنتقل العدوى لأختها واخوانها ولي معاهم رحت على طول اشتريت دواء للقمل من الصيدلية ورشيت شعرها وجلست تقريبا ثلاثة ايام متابعة عليها الين الحمدالله تخلصت منه ولما سألتها من فين جاك القمل قالت لي زميلتي عندها مشط بشنطتها وجلست تسرح لنا انا والبنات شعرنا عاد انا نصحتها انها ما تاخذ اي مشط او فرشاة وتحطها بشعرها قالت ليش قلت لها لأن بعضها فيها امراض وعلى فكرة بنتي تسمي القمل صراصير تقول لي مرة يا امي المعلمة مسكت وحدة من الطالبات اللي عندنا وطلعت من شعرها صراصير شكلها صغار وقالت لها خلي امك تنظف شعرك من الصراصير وجت تقول لي والله يا امي زميلتي في شعرها صراصير كثيرة عاد هنا صرت شكاكة وكل يومين ادور شعر البنت واسوي له تفتيش كامل والحمدالله ما الاقي في شعرها شئ
وهي كان شعرها قبل كذا حلوا ماينتفش كثير بس عقب ماحطيت لها دواء القمل صار شعرها ينتفش وحاسه انه هو اللي خرب شعرها وفيه شوية تقصف علشان كذا خايفة على شعرها لايخترب وابغى شئ يكون صحي ومفيد لشعرها وان شاء الله اجرب الزيت اللي قالت عنه نورة وكمان الكريمات اللي حطيتيها لي واذا لقيتي شئ مفيد انتي و لا البنات لاتبخلون علينا اعطونا المفيد الله يجزاكم خير ويسعدكم ويوفقكم يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق

اشهد ان لا إله إلا الله وأن محمد رسول الله