شكرا لج أختي حوراء على الرد

الرجل الي تقصدينه يا اختي كان موجود وتوفاه الله من سنتين حتى أمي قالت لو كان عايش هالرجال الله يرحمه يمكن حل مشكلتنا
واللحين ماقي أحد ا? رب العالمين انتظر الفرج منه
كلمت أهلي عن المحكمه قالوا مانبي فضايح نحن اهل وما بينا محاكم اصبري وبنشوف أخرتها
قلت الهم زين مابي منه شي يطلقني وخلاص انا ماقدر اعيش مع واحد جذيه بصراحه
قالولي اهلي ولدج بياخذونه منج قلت هذا من حقي ومافي محاكم تفرق ام وولدها وولدي صغير 9 شهور بس واذا عرفوا سواد وجهه ووجه اهله ماراح يعطونهم اياه وفوق هذا مهدديني اكثر من مره بياخذون ولدي مني وهو جا مره قال انا بشيل الولد امي قالت له استريح شنو مجنون انت وين تشيله خله مكانه قالها عادي انا بعطيه نيدو يالله رحمتك بس
يعني اهلي رافضين طلاقي ورافضين اللجوء للمحاكم و? حل بنظر اهله صالح لهم
بس يبون يمشون الناس على كيفهم وخلاص
وذاليني عشاني ما اشترطت من بداية زواجي بيت بمنطقتي قلت لهم ليش انا ادري بيصير جذي ؟ حتى انتوا غاشيني بولدكم ليش جيتوا وقلتوا ولدنا صايع ضايع مايعرف يدبر روحه بس عرفتوا تمدحونه بأشياء مو فيه من حقي اشترط دامه ما احترمني و? قدرني وسكتوا
ووهو مثل البهيمه قاعد حتى مافكر يسكت اهله لما هددوا وغلطوا علينا الوضع عاجبه و? في انسان يرضا ع زوجته وولده يقعدون طول هالمده بعيد عنه وهو ساكن بروحه مثل العزابي ؟
واذا تكلم او ناقش شيء يتكلم بشيء ثاني مايخصه واذا كلمناه بموضوع جد عن ا?ستقرار قام وغير السالفه شهالرجال هذا
وكله ماقدر افتح بيتين قلنا لهم مليون مره بيت مو بيتين واحد يكنسله لكنه مصر ماقدر افتح بيتين
واذا قلت ?هله شيء قالوا ماتبينه تنازلي عن حقوقج كلها
حق الحضانه
ومؤخر الصداق
يعني حتى طلاقي منه ذاليني فيه مايبونه يطلقني يبوني انا اطلب الطلاق وبشروطهم
يكفي اني متزوجه بدون حقوق
ويبون اتطلق بدون حقوق
حتى ولدي يبون يحرموني منه مادري كيف لو بنت من بناتهم مكاني بيرضونها عليهم و? امه ترضاها انها تنحرم فيوم من او?دها ؟
اي عالم هذا واي ناس ياليت غرب هذيل أهل شخلوا لباقي الناس
واللحين انا قاعده مثل حال المعقله ?متزوجه و? مطلقه
و? اي طريقة صلح يبونها كاني طالبة شيء مستحيل
انا من حقي كزوجه استقر و? مو من حقي