رد : إستشاره لعدمتكم
متأكد منها إنها مو حامل او ماتستخدم حبوب منع حمل رغم ان كل هذا مايبرر لها انها تتلفظ عليك مثل هالألفاظ لاكن ابحث وشوف وناقشها في جلسة هدوء عن السبب اللي قلبها عليك يمكن ان زوجتك من النوع الشكاك علشان كذا تفتش في جوالك يمكن وصلها عنك كلام مغلوط كيف هي من زوجة في دينها وصلاتها وحجابها يمكن لاسمح الله فيها عين او مسحورة وهذا السبب اللي قلب حياتكم او انها عندها صديقات يحرضونها عليك انها تتعامل معاك بهذا الأسلوب ترى بعض الصديقات هدامات وخرابات بيوت ونصايحهم مثل وجيههن فاشلة الوحدة منهم تجدها فاشلة في حياتها وتبغى كل صديقاتها يصيرون مثلها وتجدها تكيل لهم النصايح وتسوي نفسها مرشدة اجتماعية لصحباتها واللي عقلها صغير تركض وراها وتطبق نصايحها على بالها بتحافظ على بيتها وزوجها
لو مافيه اي سبب من هالأسباب وشفتها تطاولت عليك بالكلام رنها في بيت اهلها الين تصحصح وانت مشكلتك سكوتك لها من البداية سكتت لها لو انت من اول مرة لما تقول لفظ مو زين بحقك وقفتها عند حدها كان ماتطاولت عليك ولا تطور الوضع بس لأنك ساكت ومو شايفة لك ردة فعل من البداية هي زادت وتمادت عليك بالكلام من طريقة كلامها باين انها مستقويه عليك وانت السبب في الموضوع ولا كان المفروض انك تفرض كلمتك عليها من البداية مو تقول لك كل تبن وكل تراب وتروح تنام وتصحى توديها لمشوارها انت زوجها مو سواق عندها ما ادري انا انرفع ضغطي وانا اقرأ كلامك عنها
لاكن تدري انت يبغى لك بالأول تشيل هالسلبية من قاموسك وانت وتتعامل معاها بحزم وشدة وتردها لجادة الصواب اما انك ترخي لها الحبل وتتركها على راحتها لا تشتكي منها اول شئ علمها قدرك ومكانتك كزوج لها وافرض عليها احترامك ولو ماتعدلت معاك لها اهل يعدلونها ويسنعونها ويشوفون وش في راسها هالبنت وان كان انت فيك عيب او خلل وخلاها تتعامل معاك بالأسلوب هذا فاصلح الخلل هذا وصحح الخطأ وبعدين حاول انك تصلح زوجتك وتغير نظرتها لك رغم اني اشوف لو كان في الزوج كل عيوب الدنيا مايوصل الأمر إنها الوحدة تقول لزوجها كل تراب وكل تبن وتتلفظ عليه الفاظ غير سويه وتفرض كلمتها على زوجها بخروجها من البيت واخذ سيارة ليموزين وتروح مشوارها انت المفروض هذاك الوقت يكون لك معها موقف حازم وتوقفها عند حدها بس انت مابدر منك اي ردة فعل تجاهها بدل ماتحاسبها على كلامها اللي قالته لك قبل ماتنام صاحي ورايح تصلي وراجع توديها لمشوارها بدون ماتناقشها ولا تفتح معها الموضوع يااخي يشهد الله اني لا احرضك على زوجتك لاكن كلامك هنا عن تصرفات زوجتك يخلي الواحد يرتفع ضغطه من مجرد القراءة وكمان سلبيتك من البداية معاها
االله يعينك هناك من الأعضاء من هم افضل مني قد تجد عندهم الحلول المفيدة والنصيحة الطيبة واعتذر لو ازعجك كلامي .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله