رد : ما أعرف ابكي و لا أفرح ؟؟؟؟
ماشاء الله تبارك الله الف مليون مبرووك الحمل ياروح الطير وأسأل الله ان يتمم لك على خير ويسهل عليك وحمك وولادتك ويرزقك بأحلى واجمل بنوته يارب ياشيخة هونيها وتهون ان شاء الله كلها ايام وشهور وتعدي على خير وراح تنسين كل هالتعب والحوسة وتبقى ذكرى من الماضي والله لو اقول لك اني جايبة ولدي الثاني وسلطان توه ماكمل 11 شهر حملت بعد الولادة بشهرين مباشرة وبدون حتى اشارات تأخرت الدورة وانا اقول الحمدالله طالعة لأمي الله يرحمها واخواتي مايحملون الا عقب سنتين تجيهم الدورة وعقبها يحملون وانا مأمله نفسي وامنيها الين ابتدى الوحم معاي واقول هاذي المعدة ذبحتني بس غثيان وتطريش وانا علبة دواء الحموضة كل وحدة تلحق الثانية وانا آه معدتي اخر شئ قال لي زوجي لا هذا ماعندك لامعده ولا يحزنون شكلك حامل وراح جاب لي جهاز تحليل للحمل المنزلي وحللت وطلعت حامل وش اسوي بكيت ورجعت فرحت ورجعت بكيت ورجعت فرحت ورجعت رضيت بالأمر الواقع والله اني لما ولدت كانو كلهم صغار وبحاجة لإهتمام ورعاية كان لو واحد فيهم نايم والثاني صحى يبكي الين يفوق الثاني وانا اروح اسكت هذا وارجع لهذا وهذاك اللي ساكت ينفجر واخر شئ اجلس اساعدهم طفشت والله لاكن انتي ياروح الحمدالله ولدك صار كبير ويمشي ماشاء الله تبارك الله وانشاء الله الله يوفقك ويرزقك بشغاله طيبه وبنت حلال ممكن تنضغطين مع الدراسة ومسؤلية البيت بس عندك ابو الشباب خليه يحط جنبه معاك يساعدك في هالفترة خليه يتعود من الحين على الوقفة جنبك ومساعدتك واكيد ان شاء الله انه زوجك ماراح يقصر معاك فهونيها وتهون والله ان اختك ام سلطان صار لها نفس السيناريو مرتين اول شئ بالولدين واخر شئ بالبنتين جبتهم ورى بعض حملت بعد بنتي وهي توها ماخلصت ثلاثة شهور والحين الحمدالله شوفيهم الكبيرة عمرها 6 سنوات والصغيرة مقربه تخلص 5 سنوات اصغر وحدة عندي جبتها والحمدالله والله بعد مايكبرون وكل واحد فيهم يعتمد على نفسه راح ترتاحين وتنبسطين وتفرحين فيهم ان شاء الله كل اللي الحين بتمرين فيه راح تنسينه فترة وتعدي والله الأيام والشهور والسنين صارت تركض ركض ورى بعض نسأل الله العفو والعافية والسلامه وربنا يوفقك ويسعدك ويجعل كل امورك سهلة وميسرة بعون الله بعدين وش تبغين احسن من كذا ياروح مرة وحدة تتعبين وتنسين وتكون اعمارهم الإخوان متقاربة حتى يتفاهمون لما يكبرون وتصيرعلاقتهم ببعضهم قوية وفي نفس الوقت يتونسون مع بعض بس انتبهي اولادك لا يتضاربون عل البنت لو جت مثل اولادي اول بنت جبتها عقب ثلاثة اولاد جيت وهم كلن يسحب فيها يقول هاذي اختي انا خلوا امكم تجيب لكم اخوات غيرها والبنت ميتة بكي وهم كلن يسحب فيها يقول هاذي اختي انا وربنا ستر كانت باللفة لافتها زين ولا كان جيت إلا وهي موزعه بين يدين اخوانها ومسكتهم عقبها وحليت الموضوع بشكل سلمي بينهم اولادي يحسبون ان الحمل والولادة سهله مثل اكل العيش
الحين الحمدالله عندهم اختين وراضين بس على مضاضة يقولون لازم نصير فريقين ثلاث بنات وثلاث اولاد اقول لهم هين تحلمون يقولون بالعدل يا امي بالعدل خلينا متساوين وانا معطيتهم اذن طين واذن عجين .
ربنا يوفقك ويسعدك يارب ويحفظ لك اولادك وزوجك ويرزقك اللي تتمنينه ياروح الطير.*
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 22-01-2013 الساعة 05:24 PM