رد : قومة الصبح !!
هلا وغلا يا ام يوسف شوفي انا بقترح عليك انك تحطين لك ثلاث منبهات او اقل شئ منبهين في غرفة نومك وتوقتينها بشكل متفاوت بحيث تكون المدة الزمنية بين كل منبه ومنبه 5دقائق تقريبا وتخلين واحد من المنبهات جنبك عند راسك والثاني ابعديه عنك شوية والثالث يكون ابعد عن اللي قبله يعني حاولي انك تبعدينها وتفرقينها عن بعض بحيث انه يستلزم عليك النهوض من السرير بعد كل خمس او ثلاث دقائق علشان تقفلينها طبعا مع كل رنة منبه بتصحين اكثر ولما تقومين من السرير راح يطير النوم من راسك شوفي انا طريقتي كذا عندي منبه واحطه عند راسي ومنبهين اللي في اجهزة الجوال اعدل كل واحد منها على فترة متفاوته طبعا تختارين صوت نغمه عالية او بالتدرج تبتدي النغمه على خفيف بعدين ترتفع بالتدريج الين اخر شئ والله تطير النوم من راسك اهم شئ الصوت يكون عالي صوت المنبه الحين صرت اصحى من اول رنه للمنبه اللي عند راسي وانسى الباقين ما اتذكرها الا لما ترن واروح اقفلها طبعا اوزعها في نواحي غرفة النوم بحيث اني اضطر اقوم من السرير واطفئها بعدين منبهات الأجهزة النقاله فيها نظام الغفوة يعني حتى لو ما اطفئتيها توقف من حالها وبعد 5او 3 دقائق تبتدي ترن لوحدها على حسب ما توقتينها انتي نظام الغفوة يوقف المنبه ويرجع يرن لوحده الين تصحين يعني حتى لو رن وتوقف وماصحيتي يرجع يرن المرة الثانية والثالثة الين يصحيك غصب عنك عاد احس اني طولت بالشرح بس حبيت اقول لك تجربتي طبعا الأصوات اللي حاطتها نغمة للمنبه اللي بالساعة معروف جرس واللي بالجوالات واحد صوت مؤذن يأذن والثاني صوت سيارة اسعاف جربيها وبتدعين لي ان شاء الله بس هاه مو تدعين عليه بعدين هههه .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 23-01-2013 الساعة 02:24 PM