اولا .. هو ما راح ينسجن ..
يعرف يدبر نفسه و يخرج نفسه بمليون مخرج ..

و سواء اخد مني او ما اخد .. سرق مني او لا ..
هو كذا .. مستحل لنفسه اموال الناس ..

يعني حكاية السجن .. بس يبغاني اتعاطف معاه
زي لما كنت دايم اتعاطف معه ..و اصدقه ..

.
.

هو يدري اني تغيرت من شهر شوال ..
و ما صرت اسكت عن اي غلطة او هفوة ..

و مع العلم؛ انه تعاملي الجديد معاه ..
خلاه شخص مسئول عن تصرفاته و اغلاطه ..

زمان كان يستهتر و يطنش ..

.
.

انا عطيت خبر لاختي تكلم اخوي الكبير و تفهمه ..
اني بيوم من الايام راح احتاج له .. و الوقت الي راح احتاجه فيه
راح اجلس معاه و مع زوجي .. و اقول كل شي ..

و بعدها ..
اخوي القرار اللي ياخده و يشوفه ..
انا موافقة اني انفذه ..

.
.

حاليا ..

زوجي ماشفته غير امس الصبح .. و ارسل اليوم الصبح من جوال صاحبه
صباح الخير
متى رايحة ..

رديت شكرا
راح اغيب

.
.

انا حاليا باعود نفسي على غيابه ..

لاني لو ما شفت تغيير فعلي بعد الفترة اللي حيغيبها عن البيت ..

.
.

الحل واحد مافي غيره

.
.

لو لقيته تعدل .. اكيد باروح معاه لمستشار و اعرفه راح يرفض

..
.

اما اني اسدد مخالفاته او اي شي تاني

لحد هنا و كفاية

.
.

دحين توقفت حتى عن صرف اي شي عالبيت ..

هو يصرف

.
.

و رجاء ..

اهله مو السبب في عيوبه ..

خلاص هو كبير .. لمتى نرمي على اهله ؟

.
.

اخوي ابو حكيم

انا راح اكلمه بعد شوية بالجوال

و بعد كذا ما راح ارد على اي رسالة يرسلها من جوالات اصحابه