رد : زوجتي تثير المشاكل (معدل )
السلام عليكم
اليوم رحت للطبيب النفسي وتوني جاي منه
طبعاً قال ماقدر اشخص شخصيتك وشخصيتها في جلسة وحدة
شرحت له الحالة كاملة وعطيته كل الي تسويه معي وقال لي الاتي
قال فيه عدم احترام واذا انت قلت لها انتي مانتي محترمة قالت لك انت مانت محترم يعني ترد عليك بنفس كلامك وفيه عدم تقدير للي تسويه وعدم مبالاه ويمكن يكون عندها مرض نفسي او اكتئاب او قلق
والبنت الواضح من حديثك عندها نفور منك ولغة الحوار مفقوده بينكم
ولازم فيه طرف ثالث يدخل بالموضوع ويعرف وش افضل لغة حوار ينفع بينكم اذا قبلت هي بذلك
طبعاً قال هي تلعب معك بالوتر الحساس الي هو الولد تضغط عليك فيه وتخليك تكلمها بشكل غير مباشر مثل ترسل صورته مثل تدعي انه تعبان او محتاج شي او مشتاق لك وهذا فعلاً هي عارفة انه نقطة ضعفي بالاضافة الى التسامح
وقال هي شكلها تحب السيطرة
قال شوف لو رجعت او طلبت ترجع لازم ماترجع الا بشروط ولا بتستمر الحياة كما كنتو عليه
والشروط هي كالاتي
هل هي عندها استعداد تسوي جميع الطلبات
هل هي عندها استعداد تدخل العيادة النفسيه وتقبل العلاج
طبعاً حولني على اخصائية نفسيه قال هي افهم في المشاكل الاسرية بس برضو من طرف واحد ماينفع لازم نسمع من الطرفين
قلت له لو رفضت انها ترجع قال خلاص انت عندك استعداد تصبر على تعاملها قلت لا قال اجل الانفصال احسن حل
هذا باختصار مع جلسة استمرت ساعة
طبعاً انا الولد نقطة ضعفي وودي اشوفه اليوم قبل بكره ولا عارف كيف
انتظر ردك اخوي البليغ