رد : وحيد .. ومقبل على الزواج !
اقتباس:
المشاركة الأصلية كتبت بواسطة جمانه222
الله يتمم لك ع خير اخوي
بتكلم بناءاً ع عادات اهلي واكيد الاعضاء مو مقصرين معك
1-المهر من(30-50-100)
2-مايشترطون بطريقة تقديمه احياناً يحول المهر ع حساب الزوجه.
3-الشبكه اختياريه مو اساسيه لكنها صار متعارف عليها وع حسب ميزانيتك
فيه اللي يجيبون معها ساعه وعطور او جهاز جوال او عطور بس
وبعضهم يجيب معها هديه للام.
4-بالنسبه للجهاز والشناط هذي من القصص القديمه اللي اسمعها ع وقت امهاتنا وجداتنا
عندنا مايسوونها ابد بس فيه بعض العوائل مع المهر يجيبون زي كذا شناط فيها هدايا
واكيد ع حسب ذوقك.
5-عندنا فيه ناس تخليه يلبسها الشبكه ويتواصل معها اثناء الملكه وفيه ناس مايشوفها الا ليلة الزواج😁
وانت لاتقيس ع كلامي العائله اللي بتخطب منها اسأل عن عاداتهم او شروطهم
والافضل تسوي بعاداتك انت احسن بيصير له وقع في النفس اكثر.
|
جزاك الله خير على الدعوة الطيبة اختي الكريمة
شكرا على الاجابات الوافية و بارك الله فيك
بخصوص الجهاز والشناط هي عادة تربيت عليها يعني كبرت وأنـا
أشوف الأهل ومن حوالينا يسوونها فهي من ضمن التقاليد و أما
مسألة هدايا الاب والاخوان فهذه من العادات لكن اذكر مرة قال
لي صديق سعودي تحمل ترى يمكن يزعلون عليك فاستغربت !
قال يمكن الاب يفسرها بشكل سيء كأنك ترشيه أو تهينه لــ
كونك تدفع له للزواج من بنته .. وانحرجت كثير من رده و خفــت
اتبع عاداتي والقصد اتجمل تقوم السالفة تنقلب علي واضايقهم
قلت أتأكد منكم و اشوف وش من نصايح تقدمونها لي. بخصوص
الرؤية نفس الشيء اغلب الناس عندنا ما شافوهم الازواج الا
ليلة الزواج و في بعضهن في الملكة لكن نمنع الخروج لوحدهم
(لأنه سابق للاشهار) ونمنـع الزيارات الا لحاجة وبوجود احد منا
و نسمح بالمكالمات وفق حدود. صحيح اختي لها وقع في الــ
نفس لو سويت بعاداتي لكن احيان يصير تعارض وانا قلق مــن
هذي النقطة على شان ما يصير اي اشكال او زعل لاسمح الله.