السلام عليكم

لقد نفذ بي الكيل لقد ضربني منذ عدة ايام حتى تورم كفي واعتقدت ان يدي كسرت وكان السبب

انه قبلها بثلاثة ايام قلت له اني اريد الذهاب لامي ووافق وقال لي اذهبي على الا تعودي بعد الساعه 7 مساءا مع العلم ان هذا مستحيل ان اذهب واعود في مثل ذلك الوقت كما ذكرت من قبل وحكيت لامه كي تكون على علم بما يحدث ولكي ان ابنها انسان ظالم ومفتري
وقالت لي يومها ارجعي الي البيت وكان شيئا لم يكن وقلت لها انه يسبني باقذر الالفاظ طوال اليوم وقلت لها اني اريد ان اتي لعندك لا اريد ان اعود للبيت قالت لي ارجعي الي البيت وكان شيئا لم يكن ورجعت بعد ذقت منه كلام قذر لمدة ثلاثة ايام لانه ظن مني اني اضحك عليه حينما عرض علي ان ياتي معي لامي وعندما حادثت امي علمت انها ستتاخر فقلت له خلاص خليها يوم تاني عشان انا خايفه على تعبك ازاي وازاي انا كده اكيد بضحك عليه عشان انا لو كنت خايفه على تعبه مكنتش خليته يروح من الاول " كل ده من وجهة نظره " وكلام بقا قذر انتي اصلا زباله وكذابه وانا مش بثق فيكي و ................ و.................... حكيت لامه كل الكلام ده وانا طبعا مغلوله ومقهوره
واتفقت معاها اننا حنروح عندهم يوم ما والده يكون موجود عشان يشده ويفهمه يعني ايه الحياه الزوجيه . وبالفعل روحت البيت معاه لانه خلاني استنى بالعربيه ف الشارع عشان استناه وروحنا
طبعا ساق هو العربيه ومعاه المفاتيح وعلى باب الشارع قالي هاتي مفتاح البيت عملت نفسي مش لاقياه ( لأاني عارفه انه حياخده ومش حيدهولي ) وقلت له ما تطلع انت المفتاح كذب وقالي انه نسيه ف الشغل قلت له عاوز المفتاح هات مفتاح العربيه كل واحد يحتفظ بحاجته ( بصراحه كنت عاوزه اجرحه لانه بقاله 3 ايام بيجرحني ) وسيبته ومشيت وقلت له انا رايحه ف داهيه وكان ف دماغي اروح لاهله مسكني جامد لدرجة ان ايده علمت ف جسمي وقالي اطلعي يا .....................
وطلعت وقلع الحزام وضربني وقعدت استغيث بالجيران لان الضرب جه على ايدي وكانت النتيجه اني رحت المستشفى وكنت مش قادره احرك ايدي
وقعد يعيط ويعتذر ومعلش وانا اسف وحعملك اللي انتي عاوزاه
وبالفعل رحت لمامتي تاني يوم كان من اسعد ايام حياتي
وحكيت تاني يوم لمامته كل حاجه واتفقنا على اننا نروح تاني يوم ليهم وباباه يكلمه
تخيلو ف كل ده وانا بجيب له هدية لعيد الحب في اثناء كل ده
وبالفعل رحنا وباباه بهدله وانا عيط عياط السنين ووضحت لهم ان ابنهم ظالم وان اللي بيحصله ف شغله من مشاكل بسببي بسبب حسبي الله ونعم الوكيل اللي بقولها عليه وقلت لمامته سامحيني انا بحسبن على ابنك سامحيني قالت لي اسامحك على ايه ( وكانها بتقولي ان ده من حقي )

النهارده بقا حصل موقف انا مش فاهماه هو جوزي فعلا زي ما بيقولوا بيحب المشاكل وبيسعى ليها ولا زي ما بيقولوا انه شيطان اتجوز ملاك .

واحنا نازلين الصح عادي جدا وقفنا عند البنزينه ودخل جاب سجاير عادي جدا وبضحك ف وشه قالي انا مش بكلمك قلت له خير قالي اللي على راسه بطحه وكاني عملت حاجه غلط سكت ومردتش عليه واستفزني اسلوبه وكنت مشغله قران راح مغير القناه لاغاني لاحول ولا قوة الا بالله شيطان
قبل ما انزل قالي انا مش بكلمك رديت باستفزاز لما تبقا على راسي بطحه حبقا اكلمك قالي ردي كويس طب ما تخليك انت واضح وتبطل تعب الاعصاب اللي انت بتمارسه معايا ده
وقبل ما انزل تطلعي شغلك تقعدي على مكتبك متكلميش حد ومترديش على حد قلت ما تروحني احسن قالي الف وارجع سكت وبعدين قلت له حراعي ضميري ف شغلي قالي يعني ايه يعني مش حتسمعي كلامي قلت له حراعي ضميري ف شغلى مع اتباع القواعد اللي انت حاططها قالي لما نرجع البيت

ودعيت عليه وحسبنت عشان تعب الاعصاب اللي هو بيعملهولي ده

__________________
<اللهم إني أحبك . وأحب أن أقوم بكل عمل يرضيك ، وأنا أعلم أن صبري على زوجي يرضيك عني .اللهم فالهمني حسن الصبر عليه ، وامنحني طاقة أكبر على احتماله ، وأعني على مقابلة اساءته بالإحسان.اللهم ولا تحرمني الأجر على هذا الصبر ، واجزي لي ثوابك عليه ، وابن لي عندك بيتا في الجنة>