رد : الجرح نَفس الجَرح !
بكون معكم صريحه و أتمنى ما تزعلون من كلامي
اعتبروني اختكم اللي اكبر منكم :
انا حاولت احط نفسي بمكانكم و استشعر موقفكم و انو هل ممكن تزعلو هذا الزعل كله
ما استوعبت ...'!
انتم يا بنات مطلقات ما اختلفنا ، لكن يا حبيباتي ..
تراها ملكة ..يعني طلاق قبل الدخول .. ما صار بينكم خلوة ، ولا أنس ولا عشرة
بالأحرى ، ما خرجتي من بيت ابوك الله يحفظه لك
فليش الزعل بالله و ليش الضيقة ..!
ليش تنكدون على عمركم و تجمعون كل الذكريات و التفاصيل و تطري على بالكم
انا ماني حاسه فيكم ..
مو عشان انا ناشفة أو جافه مشاعر ... بالعكس تراي أحن على عدوي قسم بالله
لكن سالفه اني احزن على بنت ربي انعم عليها بالخلاص من زيجة كانت بتدمرها
لا ..مرة فضاوة اسمحولي
بتقولين انك عشتي معاه ايام حلوة او حنيتي انك تتزوجين اوكي انا معاك بهاذي
لكن كيف تفكرين بشي شر و ربي ابعده عنك ..!
انا وربي يشهد علي ما افكر فيه ولا قد خطر لي ، صحيح اتضايق و ازعل و ابكي
عشان اولادي ..لكن عمري ما زعلت عشاني تطلقت
رغم اني لما اتذكر كيف احلى سنين حياتي مرت وانا على ذمته انقهر ..لكن هاذي اراده ربي
و الحمدالله ربي بدل حياتي بسعاده و راحه بال في حضن اهلي
ليش اضيع عمري بهّم و غم ، طيب عندي والديني محتاجيني ليش اتنكد عشانهم ..؟
الوحدة منا مو تقعد تعيش على أعتاب الطلاق
الحياه حلوة و فيها حاجات كثير تجنن عشان نعيشها مع الناس اللي يحبونا
مو نحزن على تفاصيل تعود لنا بالضيقة و الزعل
انصحكم تندمجون مع رفقه صالحه ترى بتحسون بقيمة العمر و الحياه
وما راح يكون عندكم وقت للتفكير بالماضي و التفاهاات اللي بتضر النفسيه
انا والله ما زانت حياتي الا يوم سجلت في الدار ، وربي عوضني بحاجات كثيير اللهم لك الحمد
مع انه يبقى في النفس شي من الألم لفراق اطفالي ..لكن الحمدلله على كل شي
و اتمنى ما تزعلون مني بس تفقدوا النعم و خاصه النعمة المنسية ( العافيه )
اسأل الله لكي و لكم فرجا قريبا من عنده
__________________
الوعي هو الملاذ ..
أستغفر الله العظيم ؛
( الفردوس غايتي )