رد : افلام الكرتون حدت من قدرات ابنتي الذهنيه :|
حبيت اضيف انها صارت تتملل من سماع القرآن وتعتبره مضيعة وقت
استغفر الله واتوب اليه
هي ماتصرح بهالشي لكن واضح
قبل شهر كانت تلح علي اشتري لها عبايه وطرحه وتقول عيب يشوفوني الرجال ههه
ولبستها كم يوم وبعدين صارت تقول مابي البسها ابي اتدلع والناس يشوفون ملابسي وشعري
قلت انتي تقولين عيب يشوفونك الرجال سكتت مو عاجبها الكلام
وقلت اذا تبين ماتلبسينها تلبسين لبس ساتر شي نص كم او كم كامل. وبناطيل ماهي ماسكه ع الجسم لان الدنيا مابها امان
انا اعرف انها صغيره لسه ومابي اكلفها بتكاليف مافرضها الله عليها واضغط عليها
لكن ملاحظه عليها تقلد شخصيات الكرتون
اخر مره جابت وجهها عند وجهي وقالت لي بصوت مبحوح امي.اُحبُك
ونظرات مدري كيف. انا نفسي استحيت من الطريقه اللي قالتها فيها. طريقه. مثل الرجل لما يتغزل في زوجته بجرأه
فهمتوني
مابي اكتب شي مو لايق
اشتريت لها طاوله زهريه من ايكيا وكراسي عشان لما تجيب معها صديقاتها
او اطفال خواتي وتندمج بالكتابه والتلوين و و وخصوصا انها مولعه بالزهري وبفاجئها فيها اليوم
علقت الحروف الانقليزيه = ملصقات الحائط وملصقات الارقام وفرحانه فيها مره خصوصا ان الحرف
فيه كلمه وشكل
مثل حرف الG معلق عليه قلوفز ومكتوبه بالانقلش
شي تعليمي جميل ويضيف للحائط بهجه والوان واشكال جميله
انصحكم تشترونه تلقونه في المكتبه الوطنيه وكثير من المكتبات
وحطيت في فريم صوره لها
وبحاول اتفرغ لها !
مابي اضلم واحد من اطفالي على حساب الثاني
لكن الوقت !!! والصبر على الازعاج مابعد حرمانها
من افلام الكرتون !
انا راح اتدرج في هالشي لكنها مهووسه ماراح
تتقبل
__________________
..
التعديل الأخير تم بواسطة مارد الجنوب ; 27-02-2013 الساعة 12:47 PM