فارس لو سمحت طلبتك طلبه... ممكن ما تتكلم إذا امك و اختك تكلموا معاك بخصوص مها.. و حتى إذا امها و خالتها تكلموا...

إذا زاروك... اطلع انت زور اصحابك في هاليوم...

يا اخي لا تاخذ و تعطي معاهم الحين... طنشهم... و كلام امك بأنها ما راح تدخل بيت ثاني مجرد كلالالالالالالالالالالالالالالالالام فاشووووووووووووووووش...

لا تخطي خطوة في اتمام الزواج حاليا.. و اي شخص يسألك جاوب جملة مقتضبه قصيره "خير ان شاء الله... مها زوجتي و ان شاء الله ما يصير الا كل خير"...

يا اخي انت ليش ما تسمع الكلام...

البنت اصلا عيب عليها اللي سوته هي و امها... الحين لازم تتخذ موقف بعد اللي صار.. يعني لو امها بس اللي اتصلت نقول يلا مها ما لها ذنب... بس ان هي بعد تتصل و تتكلم!! يعني ما عندها رقمك علشان تتكلم معاك.. غصب يطلعونك غلطان...

طنش الحريم... و كن جدار قدام اي كلام يقولونه لك... و إذا امها جات لحد البيت تقابلك قول لها كلامي مع الرجال.. و مها زوجتي.. لا تزيد على هالكلام... يا فارس.. انت كل مره تتكلم كلام ياخذونه ضدك.. علشان جذى ابيك ساكت معاهم...

ضغط امك و اختك عليك خله على صوب.. و قول لهم هذي حياتي و الحين ما ابي احد يتدخل فيها..

خلك ثابت على موقفك..

سواء تم الزواج او ما تم.. في مبادئ معينه لازم تمشي عليها الحياه.. و طريقة مها و امها غلط في غلط..

و الطريقه اللي انت ناوي تكلم فيها ابوها بعد غلط في غلط..

[COLOR="Red"]انت ما لدك دخل في طريقة تربية الرجل لبنته... انت عليك تقول له انا ابي زوجتي تعرف واجباتها الحقيقيه... و إذا هي ما تبي تتزوج و مجرد انها تبي تتهرب من الزواج بأي طريقه فخلونا نكون واضحين من الحين و رجعوا كل اشيائي و كل واحد يروح في طريقه.. انا مازلت ابي زوجتي و للحين باقي عليها.. و لكن كل تصرفاتها اوضحت لي انها ما تبيني.. و انت يا عمي على علم بكل شي صار.. و اكثر من مره عقدت جلسه صلح بينا... بنتك مش صغيره زي ما انت تقول... و لنفرض انها صغيره دوركم انتوا كأهل انكم تعلموها إذا كيف تتهتم بزوجها... مثل ما قلت لك مسبقا يا عمي انا باقي على مها.. و لكن إذا مها ما تبيني فما راح أجبرها على الزواج.. ترجع فلوسي و الله يوفق كل واحد فينا... و إذا عمك تكلم عن اي اشيا مسبقه من قبلك... اقطع الكلام و قول له اللي فات مات... نحن اتفقنا في اخر جلسة ان ما نفتح اي ملفات قديمه.. و انا باقي على وعدي بعدم فتح الملفات القديمه... اسأل مها هي عاوزاني.. و إذا هي عاوزاني فأنا في زياراتي القادمه راح اقعد جنبها لأنها زوجتي و انا اعرف الشرع و الحلال و الحرام... انا انتظر رد مها على رغبتها في الزواج مني... و تعاهدني امامك و امام والدي ان اي كلام يصير بينا ما يخرج لكم لأني رجل ابي احل مشاكلي بنفسي بدون اللجوء للغير...هذا الكلام يقال فقط و فقط امام والدك و امام والدها.. فقط يا فارس..[/COLOR]

ابعد عن نقاشات الحريم تماما حاليا يا فارس... لأنك ما راح تستفيد منها شي...

مها لو فعلا تبي تتزوج كانت تصرفاتها غير...

امها لو فعلا تبي الستر لبنتها كانت فهمتها واجباتها مب حقوقها فقط.. و عليك انت تصير محاكمه و على اخطائها و لا شي...



حتى الأن ما شفنا شي حقيقي من هذه العائله يبين انهم يبون زوج بنتهم.. و لكن بس طول الوقت فالحين يطلعونك غلطان.. و يبونك انت تفك الزواج بأي طريقه بدون ما يطلعون اعمارهم غلطانين..

ارجوك خلك ثابت هالمره... و بلا اعتذار و بلا رجوع.. إلى ان تعتدل الأمور...


و لا تغلط نفس المره الماضيه و تتكلم عن مشكلتك مع اي احد... سبق و حذرتك ما تقول اي شي لخالتها.. و انت تكلمت... و هم جهزوا دفاعهم لأنهم يعرفون شو الأشيا اللي انت زعلان منها... فأرجوك هذه المره خلك صاااااااااااامت...

ارجوك يا فارس.. غيب لمدة شهر عنهم... لا تتواصل مع خالتها و لا ولد خالتها.. و لا اي احد من أهلها... اقطع هذه العايله تماما...

حتى بعد قدوم والدها لك... لا تروح لهم على طول...

لا تتطرق لعدم اهتمامها فيك او عدم سؤالها عنك.. لأن واااااضح الحين وضوووح الشمس انها اصلا ما تبي تتزوج... انت ارمي الكره في ملعبهم بان يشوفوا إذا بنتهم تبي تتزوج او لا...



و ارجوك بس هالمره لا تدخل في قلت و قالت وعملت و هي عملت لأن ما يفيد النقاش في هالموضوع... البنت ماااا تبيك يا فارس.. بس تبيك انت اللي تقول هالكلام...