يا أمي يا حبيبتي هو قال لك ليه حطها .. حطها حتى يجيب ناس تطلبك للعمل اكثر .. يعني جرة رجل بس مو أكثر وما كان قصده أنه متوقع أو حاب أو ناوي أنك تشتغلي بالتنظيف فعلا .. يعني ما هنتي عليه ولا هو حاب أنك تشتغلي أصلا إلا لأنك ألحيتي وأصريتي عليه
وهذا هو بالرغم من أنه شرح لك وشايف نفسه ما غلط وانا بعد شايفته ما غلط .. بالرغم من ذلك اعتذر لك بطريقة عملية لما أخذك تشتري اللي نفسك فيه من كماليات ... اعتذر لك وباقي حزت بنفسه أن عنده زوجة نكديه تحب الزعل وتحب الجدال وهو يحبها ومو قادر يتم زعلانه عليها .
اليوم راضاكي واعتذر منك .. بكره بيمل من هذي الحال وما راح يعتذر ولا يشرح ولا يبرر .. نصيحتي لك حبيبتي خففي حساسيتك ولما يبرر لك أو يشرح لك اسمعي منه كويس وحطي نفسك مكانه واقبلي تبريره وعذره .
الدنيا ما تسوى على كلمة نخرب علاقتنا بأحبابنا .. هل من السهل أنك تلاقي علاقة طيبة بأي أحد بهذا الزمان عشان نخرب علاقتنا فيهم على كلمة .
استغيذي من الشيطان واستهدي بالله ..الله يوفقك ويسعدك
