وعليكم السلام ورحمة الله وبركاته.

الله يسهل أمرك اخي غريب ؛لا تحزن أغلبنا مررنا بالمرحلة و الحالة النفسية السيئة هذه فترة وتعدي.
كنت آخر سنة لي بالجامعة ماني مع العالم ولا اذاكر نفس الشي ؛كنت اقضي وقتي نوم
واذا جاء آخر الليل والبنات ختموا دراستهم
اضغط على نفسي اصلي ركعتين وادعي ربي يفتحها علي ؛وأقرى المنهج عناوين
فقط ولا عارفه شي بالمنهج.
لدرجة بعض البنات سامحهم الله راحوا يطلعون على كشف درجاتي ؛وتجي وحدة تسوي نفسها مصلحة ولانها ماتدري ولا تعيش الوضع جت تفلسف على راسي. ؛وما كنت اكلم احد ؛كنت بس خائفة أهلي يوصلهم شي عن اخفاقي ؛قلت لها :ليش بيدك شي تسوينه لي ولا تتوسطين لي عند الدكاترة.
لا تشفقين علي مااحتاج لمثل هذه النوعيات.
اصلاً حتى ماحد كان يدعم ابي كان يقول لي هذا قسم الفاشلين. ليش تدرسين !!!
وخواتي يعملون بنفس الجامعة ولا كانوا يساعدوني.
شي واحد طلعني من الأزمة فوضت امري لله وش الفائدة اذا عرف احد بي او حس وأقنعت نفسي خلاص مالي غير ربي.

إذا أنت شايف بالاعتذار مصلحة لك اعتذر ؛ لحد ما ترجع لوضعك الطبيعي.
المهم بالفترة هذه تبحث لك عن عمل ولا تجلس بالبيت وتنام ويزيد همك اخرج للعالم وأبعد عن الحساسية وليه أهلي وليه مدري ايش
إذا أنت ما نفعت نفسك مافيه أحد ينفعك.
دنياك كلها تجارب من أمس تتعلم اليوم. العمر في لحظة يزول كل شي مقدر ومكتوب.
أسال الله يفرجها عليك وييسر أمرك ويرزقك من حيث لا تحتسب.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.