وعليكم السلام ورحمة الله وبركاته ..

هلا فجر

حاولي تبدأي بوصفات بسيطه .. وافضل طريقة تتأكدي منها إن طعم الأكل طالع مضبوط هي انك تتذوقي وانتي بتطبخي ..

إذا عندك كتاب تطبخي منه بيكونوا محددين لك المقادير .. لكن وصفات النت وحتى برامج الطبخ عالتلفزيون مش دائما يذكروا لك .. لكن حتى لو هم محددين أنا عني ما التزم فيها 100% .. يمكن فيها شيء ما أحبه فألغيه أو استبدله بشيء ثاني .. يعتمد على ذوقك في الأكل ..

مثلا أنا ما أحب الثوم كثير فإذا الوصفة فيها ثوم أقلل منه أو الغيه .. ما أحب طعم القرنفل فما استخدمه إلا نادر .. ما أحب طعم القرفه يكون طاغي عالاكل فأقلل منه كمان .. الخ .. كله يعتمد على ذوقك ..

وتعجبني منال العالم حاولي تشوفي حلقاتها على اليو تيوب دائما تقول لا تتقيدوا بالبهارات اللي أنا أذكرها إنتوا استخدموا اللي تحبونه ...

وشيء طبيعي تخبصي في البدايه مرة يطلع الأكل مالح مرة ماصخ ومرة محروق وحتى بعد ما تكوني تعلمتي مش دائما بتضبط معاك الاكله عادي جدا .. بس إنتي مع الوقت بتصيري تفهمي كم تحتاجي ملح وبهارات من النظر .. وكمان ذوقي ؤانتي بتطبخي حتى تتأكدي من الطعم ..


بالنسبة للبهارات أنا اجيبهم جاهزة وجربت كم من نوع حتى لقيت اللي عجبني .. وعادة أخلط أكثر من نوع ..

عندي بهارات مشكله ..mix masala هذه الأساسيه...

وبهارات عربيه arabic spices هذه استخدمه أقل

بهارات السمك .. اعتمدت ماركة eastern

وعندي بهارات مشكله للدجاج ..


إذا بسوي صينيه دجاج أخلط شوي من البهارات إلمشكله مع بهارات الدجاج + ملح + فلفل ..

صينية اللحم استخدم له ملح وفلفل وبهارات مشكله واضيف هيل صحيح و أوراق الغار واعوإد القرفه ..

الفلفل الأخضر الحار يعطي نكهة للأكل استخدميه إذا تحبون الأكل الحار .. لما تحمري البصل أضيفي الثوم والفلفل وقلبيهم .. ما تكثري منه واعملي توازن إذا ضفتي هذا قللي من الفلفل الأسود والبهارات بعضها تكون حارة فقللي منهم واضيفي نوع ثاني من البهارات ..


خذي لك لفة في قسم البهارات بتحصلين أنواع كثيرة جدا خذي كميات قليلة وجربي واللي يعجبك اعتمديه بس لا تأخذين كميات كبيرة مع بعض عشان ما تقعد عندك فترة طويله ويتغير طعمها ..

الزنجبيل الطازج ما استخدمه كثير في الأكلات .. عندي وصفة فيليه دجاج بالأعشاب إذا جئت أعمله والزنجبيل موجود عندي استخدمه وكميه بسيطه .. أكثر شيء استخدمه مع الشاي أو شاي حليب ..

__________________