رد : الاكزيما والاكل
اسأل الله العظيم ان يشفي بنتك وعمتك ويسبغ عليهم نعمة الصحة والعافيه ..
والله ماعندي معلومات عن حمية الإبعاد ..
لكن اللي اعرفه إن في فحوصات طبيه عن طريق الحقن تحت الجلد توضح اي الأطعمه اللي تسبب حساسيه عند الطفل ..
وفي فحص ثاني عن طريق اخذ مسحة من المعده وزراعتها .. وهذا الفحص خاص بالجلوتين ..
مدري اذا هذه الفحوصات موجوده عندكم في المانيا لكن هنا في فرنسا يسووها مباشرة للاطفال بمجرد ظهور الحساسيه عندهم ..
بالنسبة لأكلها للخبز والرغيف .. الجلوتين موجود في القمح فقط .. يعني لو عملتي خبز من طحين غير القمح مثل الشعير مثلا ممكن يفي بالغرض ..
واذا رحتي محلات ال Bio تلقين عندهم خبز خاص خالي من الجلوتين ممكن تكوني تشترين لها منه .. وعندهم كمان انواع معجنات بدون جلوتين ..
وبتلقين عندهم انواع حليب بدون لاكتوز كمان عشان لو كان هو السبب في حساسيتها ..
على العموم بحاول استفسر اكثر عن الموضوع واذا لقيت معلومات برجع اكتب لك ..
الله يشفيها يارب ويفرح قلبك بعافيتها ..
التعديل الأخير تم بواسطة oO عفراااء Oo ; 25-03-2013 الساعة 02:52 PM