كتبت رد طويل وفشيت غلي في المخلوق هذا بس طار الرد من حسن حظه ومعليش حبيبة قلبي بتزعلين مني لاني ماقدر اشوفك تغرقين

وهو ولا على باله وبيحاول يمثل عليك مسلسل صغير يستغل فيه الاطفال لانه عارف انهم شيء كبير عندك

شوفي الكل بيحترم صمتك وسكوتك وماراح حد يتدخل الا بطلب منك بس انا بتدخل ولازم اتدخل لاني اعرفك من احنا اطفال صغار

كنت مقدمة كل هالناس على نفسك ومعتقدة ان العالم ملايكه والمعروف ماصار يجدي ويثمر مع الكل لا حبيبتي غلطانه ومن يزرع المعروف في غير اهله يكن حمده ذما عليه ويندم وزوجك اليوم اصبح غير

مأمون الجانب لذلك تعاملي معه بنفس اخلاقياته ومساوماته لاتعطيه اكثر من الي يستاهله منك

وهالبيت الي انت شايفته امر ثانوي هو تعبك وشقى عمرك فلا تضيعيه من يدك وربما ربي احدث هالامر عشان

تأخذي حقك وزيادة وحب ينصفك ويضمن لك راحة البال ببقاء بيت اولادك تحت يدك ووصايتك ولايكون تحت

يدين رجل ماتقدري تثقين فيه

سيدة خذيها مني انا الي بنظركم متهورة

إذا الرجال صادق وشاري عشرتك كما يدعي ويغرد خليه بالفعل مو بالكلام يثبت حسن نواياه

يجي لمجلس اهلي وبحضورك وحضور امي واخوي ولاتكلمينه اصلا ورقة فيها كل طلباتك

وعلى راسها يتسجل البيت بأسمك ولاتقولي مابي غير حقي حضرته وش دفع اصلا؟؟

ياسيدة مجرد انه يكتب البيت باسمك هذا بادرة طيبه وبتريح نفسيتك حتى لو انكرتي الا نك منتظرة منه هالموقف

الرجولي بس ماراح يجي منه من تلقاء نفسه لازم يوضع امام الامر الواقع ومفترق الطرق يا ابيض يا اسود

واشرطي كل الي نفسك فيه حقك يا غالية ولا احد يقدر يلومك وكان المفروض من زمااااااان هالشيء بس تهاونك

بحقوقك هو الي خلاه يتمادى ويتجرأ عليك وقال بنفسه هذي وحدة طايره في وشاريتني وتموت بي ودايم تفوت لي

واذا خنتها بترجع وتسامحني مالها غناة عني

الرجال فاهمك وعاجنك وطابخك فياليتك تكون اذكى منه ومثل ما استغلك تاخذين حقوقك كامله مكملة من عيونه

وانا ضد مبدأ انك تجلسين كم شهر ثم تتفاهمين معه الآن هو عنده قابلية لتقديم اي شيء ومتفشل من نفسه اكيد

ويبي يلملم الفضايح ويخلي الطابق مستور ولو طالت السالفة يمكن تفوتين عليك حقك ويمكن يلقى من يلعب

براسه ويمكن يمل من الانتظار
انا ماقول ارجعي له بسرعة اقوول خليه يجي وافرضي شروطك وبعد مايتسجل البيت باسمك اطلبي مهله كم شهر عند

اهلي وقولي له محتاجه وقت ومحتاجه اشوف تغير ملموس فعلااا مو تغيرات زمن السرعة

سيدة تحركي لان هالنوع هوائي وهوواوي اضمني على الاقل بيت عيالك وبعدها ان انصلح حاله اوكيه

ما انصلح حاله مع الف سلامة والباب الي مايرد

ولاتزعلين مني انا كتبت هنا ابي هالعالم الي انت تحبينهم وتسمعين لهم يعرفون بأيش اشرت عليك

ويقولون لي هل انا اخطيت بمشورتي لها؟