السلام عليكم ورحمة الله وبركاته

أنا متزوجة من خمسة أشهر .. زوجي انسان طيب وحنون .. في أول زواجنا كان طاير فيني في حبه وحنانه واهتمامه .. لأنه جدا رومنسي وإلى الحين هو رومنسي .. لكن من شهر تقريبا بدأ يتغير .. مدري بحكم الظروف الصعبة إللي يمر فيها ولا بدأ يتغير لأنه ماصار يحبني .. هو انسان على قده ماديا وأنا موظفة واساعده بإللي أقدر عليه .. بس بدأ في الاونة الاخيرة يعصب كثير وماصار يهتم فيني مثل قبل .. سألته وش فيك .. بس يحاول يخبي علي مشاكله عشان مايضايقني فيها .. قالي كم مرة لو انسانةغيره بهالمشاكل والظروف إللي أمر فيها ماصبرت علي .. هو مقدر وقوفي جنبه ومساندتي له .. بس أبي أعرف هل تغيره بسبب هالظروف إللي يمر فيها ولا هو ماعاد يحبني مثل قبل .. بالرغم إني أحبه بجنوون وسبق قلت له هالشيء وهومتأكد من هالشيء وقالي إن حبي له هو اللي مصبره على ظروفه ووضعه..مع العلم إنه يضطر يسافر كل أسبوع إلى المدينة إللي فيها وظيفته ويتركني عند أهلي عشان مقر عملي .. وأسبوع عندي وأسبوع مسافر..

نفسيته جدا صعبه وانعكست على علاقته فيني .. وأنا خايفه إنه تغير من جهتي وماعاد يحبني .. برايكم كيف أعرف إنه يحبني ولا لا ؟
وش الدلائل إللي تدل على حبه لي؟؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..