المشاركة الأصلية كتبت بواسطة ضي،،،

اختي الفاضله ظروفك تتشابه كثير مع ظروفي بإختلاف بعض الاشياء منها ان زوجي اصغر اخوانه ، انصحك من احساسي فيك لاتتنازلي حق من حقوقك الا في نطاق ضيق لانك كل ماتنازلتي كل ماصاروا يبون تنازل اكثر واكبر حتى لو تنازلك كان لزوجك مثل ماعليك واجبات لك حقوق من حقك بيت منفصل ومن حقك تسافري لوحدك وهذا مايمنع انك تسافري معهم ولا انك تزورينهم وتقومين بواجبهم ومطالبتك تكون بأسلوب بذكاء مثلاً ممكن قبل تطالبي ببيت ابدي اطلعي انتي واياه لوحدكم وسافروا لوحدكم حتى لو زعلوا مالهم حق يزعلون فما عليك يزعلون او يرضون وحبه حبه حتى تستقلي بحياتك وتطلعي ببيت وفي البدايه بيطلع ويسافر وهو مو عاجبه ومعصب مره ومرتين وبعدين بيتغير، وكثرة الاحتكاك والسوالف والميانه تجيب المشاكل خليك محترمه وماتكثرين كلام معهم وزوجك ناقشيه دائماً بمنطق وحجه بكل شي يعنيك وخليه يحط بباله في اي تصرف انه متزوج وله زوجه وهذا من حقها اذا هو مستعد يتنازل عن حق له بكيفه بس بنت الناس ليش يجبرها مو كل شي امي تزعل وانتي ماراح تزعلين ويجي بخاطرك،، ودائماً لاتنتظرين من الناس تحسن فيك وتعطيك حقك اذا ماوجدتي حقك خذيه بحسن تصرف ماهو بالقوه وسوء الادب وهذا يلزم له الثقه بالتصرف وقوة الشخصية والصبر ، وسالفة اتصاله بأمك فهو لازم واذا كان اخوك غلطان فهو لايقلد الخطا انا كمان اخوي ماخذ اخت زوجي ومهما اخطا اخوي او زوجته بكيفهم الله حسيبهم الصح اسويه وبس ، وبالنسبه للأطفال فلازم يعرف زوجك انه الموضوع خاص بينك وبينه وبس منك او منه المشكله مااحد يعرف هذا احفظ لعلاقتكم وحتى امك ماتقولين لها هالكلام ولازم يعرف انه سواء المشكله عندك او عنده مااحد يتنازل عن الثاني لان العلاقه بينكم اكبر من هالتفكير وممكن تكون المشكله بسيطه والشهر اللي بعده تكوني ان شا الله حامل هذي اهم نقطه حتى تبدوا في العلاج *
حبيبتي انصحك تزيدين من ثقافتك الزوجيه و فيه مستشار اسمه عبدالعزيز المقبل تواصلي معه لو من تويتر يرد عليك قولي له المشكله بأكملها والتفاصيل اللي ماتبين تقولينها بالمنتدى او اي مستشار ثاني انا مااعرف الا هذا ،وعندي احساس انك جداً طيبه ومحترمه وكمان زوجك يظهر لي انه جداً طيب ومن طيبته حصلت هالمشاكل فحرام تخسروا بعض ويحصل مشاكل او طلاق *ينقصكم الحوار وتغيير بعض القناعات الخاطئه والقيام بالحقوق والواجبات يشهد الله ماقلت كلامي تحريض والا بعيد عن واقعك انا في ظروف مشابهه لك جدا ماعندي اطفال وماسبق اني سافرت لوحدي الا اول ماتزوجت والمره الاخيره بعد الحاحي واللي قبلها نروح مع اهل زوجي لكن بعد يومين نروح فيها لوحدنا او ثلاثه مسافة الراحه في الطريق الله يصلح الاحوال ويرزقنا الذريه واثني ع كلام الاخ ابو عبدالله الله يجزاه خير *