المشاركة الأصلية كتبت بواسطة دموع بريئه

طيب اخوي على موضوع الطلعه مع اهلي أنا صار لي شهر ماسأل عني وإعياله أخذهم مرتين يتمشى معاهم في المجمعات ويرجعهم وآخر الليل يجي عند بيت اهلي حتى سلام مايسلم ومسوي نفسه صاحب حق
وأنا إذا بطلع مع اهلي أروح استأذن منه واهو مادرى عني ولا درى عن إعياله هايت من بلد لبلد
اعياله حتى غيارات ماعندهم كتبت له في ورقه جيب ملابس لعيالك وعطيتها بنتي واهو جاي ياخذهم ولا اهتم ولا جاب شي ويوم طلعت مع اهلي كنت رايحه اشتري لهم ملابس واشتري حليب وحفايض وإهو تعرض لنا وصار يهددني ويقول شلون تطلعين وأنا مأدري شفت قواة العين إللي فيه واهلي اسكتوا لأن مايبون فضايح في الشارع وقدام الناس
ويبي يوديني بيت الطاعه وإهو ضاربني وطاردني شفت أنذل من كذا
والله لو اتكلم عنه ماراح اخلص قليل ادب وإلسانه وسخ وبخيل و أناني ومغرور شايف نفسه كريم على نفسه واهله وأنا كأني جايته من الشارع
تخيل كان مايعطيني مصروف وإذا كلمته بهالموضوع يتنرفز ويقول أنا ماديه عشان لا أظلمه يشتري كل شهر أكل للثلاجه وخلاص اي شي ثاني مو من مسؤوليته وبعد أربع سنوات زواج اقتنع ان يعطيني مصروف 200ريال وإهو حالته الماديه زينه وأكثر من مره يعطي اخوه إللي اكبر منه قيمة الايجار لأن عايش برا مو معانا في بيت العايله
وإذا أنا طلبت منه فلوس يصارخ علي ويقولي صرفي من مكافئات الجامعه كل شي من هالمكافئه المسكينه كتب دفاتر مواصلات وملابس
وإهو يجمع ويعطي إخوانه واحد كل بين كم شهر يبي قيمة ايجار والثاني زوجته تزعل وتروح عن اهلها عشان أغراض وإهو يسلف اخوه عشان يراضي زوجته ويجيبلها إللي تبيه عشان ترجع
وأنا لي السب واللعن والفضايح عند اهله كأني الطوفه الهبيطه لهم..