ياريت العالم تهتم بنظافتها والله شي مقرف ومقزز ومنفر لا واللي يبخ عطر عشان يغطي ريحة العرق اففف استغفر الله بس يجي يكحلها يعميها

انصح بالليمون الطبيعي موجود في كل بيت اعصر لك ليمونه وحده في علبه صغيره وخليها في الثلاجه دايما اول ماتتحمم على طول تمسح بقطنه صغيره منطقة الابط اصلا يفتح المنطقه ومستحيل يطلع ريحه يقضي على الريحه تماما
يعني ماتحطه بعد ماتفوح ريحة العرق والناس كلها تدعي عليك وتنفر منك وبعدين دوبك تذكر ريحتك وتحط امسح دايما بعد الاستحمام قبل العلاقه الخاصه قبل زيارة الناس قبل خروجك من المنزل سواء رحله او تمشيه او فرح او عزومه او غيره
الله يسعدكم ترا الموضوع ذا في غاية الاهميه بس بعض الناس مهمله فيه وتحسب الناس ماعندها حاسة شم تراهم يشمون ريحتك ومتقرفين منك وساكتين فاحترم نفسك واهتم بنظافتك وريحتك وريحة فمك كمان

الناس تشم وتتقرف وتدعي وتنفرمنك وتسكت
بعض الاحيان تنسى تحط مثلا وتكون في مكان مافيه لاليمون ولامزيل عرق ولاغيره مو تكمل وتقول وش اسوي مافيه مزيل خذ لك كم منديل وادخل دورة المياه وانتم بالكرامه وامسح المنطقه بالمويه وبعدها خذ صابون اكيد موجود في كل بيت امسح بيدك ونظف المنطقه بالصابون بعدها امسح بالمناديل المبلله الين تنظف المنطقه وتكون ريحتك مثل ريحة المبخره مايفوح منها الا ريحة النظافه دايما في كل وقت

اتمنى تتاكد ان ريحة عرقك يشمها اللي حوليك يعني لاتحسب الريحه ماتوصلهم توصل
(النظاااااااافه من الايمااااااااااان)

احترامي للنظافه وكل نظيف

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.