المشاركة الأصلية كتبت بواسطة دموع بريئه

اهو مغرور ويشوف نفسه افضل من الكل ودايما يبي يمشي كلامه علي حتى في الاشياء التافهه وأشوفه يتصيد علي ويبي يبين ان مافيني شي زين يعني حتى في دراستي اهو يشوف إني اتعب وما انام اسوي بحوث واذاكر وفي ايام الاختبارات صارت مشكله بينا ورحت لاهلي ومنعني اخذ اي كتاب معاي وحضرت الاختبارات بدون ما اذاكر ونجحت بكل المواد ما عدا ماده وحده ضل شهور يعايرني ويقول انتي يالفاشله رايحه وجايه في هالجامعه وفي الاخير حامله مواد وحتى في الاجتماع ذكر الموضوع يقول فاشله في دراستها ومعدلها يفشل مضيعه و قتي ووقت اعيالي على الفاضي وما ذكر انه مانعني اخذ الكتب وإهو السبب و
في شي بعد ان اهله دايما يسمونه الوسيم انت حلو واحلى واحد في الشرقيه احس هالشي مأثر عليه بشكل كبير ومزود الغرور
نقطة ضعف مدري اهو يحس بالكل ماعدا انا يعني لما تصير مشاكل بين خواته وازواجهم يتضايق ويفكر ويوقف بصف خواته ويدافع عنهم وإهو إللي يحل مشاكلهم واذكر بعد في بداية زواجنا
كان يحذرني من امه ويقول ياما سوت مشاكل بين اخواني وزوجاتهم لاتحطين في خاطرك منها ترى إلسانها مثل السم أذت ابوي لحد مامرض ومات وألحين يقول انا اكذب على أمه ..
احس اني جبت مواضيع مالها دخل تحملوني