امر متعب ذهنيا وجسديا
انا علمت بنتي ع الحمام يوم كان عمرها سنتين و6 شهور ولالقيت استجابه مستمره إلين قررت ماعلمها الا في عمر 3
وكانت مولعه بالروضه
فقلت لها اذا تبين الروضه تتعلمين ع الحمام لان الروضه ماياخذون ناس ماتعلموا
هذا قبل شهر على اكمالها ال3
تعلمت ع الحمام في اسبوعين او اقل
حتى في الليل مستحيل تصحى مبلله نفسها
ماشاء الله
طبعا عشان الروضه هههه
وكان عندها هوس بالونات
فكنت اشتريت لها سبوره خشبيه وعلقتها ع الجدار وسويت جدول فيه اكثر من خانه عشان الحمام.
جدول لي ولها
وجبت نجوم ستيكر وكل ماراحت الحمام حطيت لها وتفرح جدا
واعطيها بالون لو جمعت يوم كامل من النجوم
ومابللت نفسها في الليل
من الصباح اعلم ابوها وكانت تفرح وتصحينا من النوم. انها متعلمه ونشتري لها الهدايا ونكافئها
وكانت ماشيه زي الساعه

إلين دخلت الروضه وفي يوم يمكن بعد شهر من الدوام رجعت البيت زعلانه
وتقول الاطفال يعيبون علي ام العيب
عشان فلان معها بالصف يوم كانت في دورة المياه الله يكرمكم. شافها وهي ترفع ملابسها
وتعبت نفسيتها كثيييييييير
صارت ابدا نهائيا ماتدخل حمام الروضه
تخيلي !
ترجع للبيت مبلله نفسها عند الباب
او في سيارة ابوها
عانيت مره
صارت ماتتحكم في نفسها حتى في العصر ماتلحق تروح الحمام
وصارت تبلل نفسها في النوم
تخيلي
سنه كامله في الروضه ماتروح الحمام
قررت اطلعها منها وتعبت نفسيتها اكثر
حاولنا معها بالهدايا و و مافيه فايده
بس صارت في النهار تروح دورات المياه


ومشكلة التبليل في النوم مستمرة حتى الان

لان الشي نفسي
بديت اعالجها نفسيا وابحث في النت واحتويها وافهمها ان كل الناس عندهم نفس العوره بس البنات غير الاولاد ولو ماكان عندنا هالشي كيف نتخلص من الفضلات

شوي شوي تفهمت
لكن مشكلو التبليل في النوم متعبتني
نقلتها من روضتها وصارت ع طول تروح دورات المياه وهي مبسوطه


وكلمنا دكتور نفسي
قال ابتعدوا عن اي شي يتعب نفسيتها وحتى لو بللت نفسها قولوا لها ان الشي هذا عادي. وعلموها على انها ماتشرب سوائل في الليل وتروح للحمام مره في المغرب ومره قبل النوم ومره بعد 4 ساعات من النوم ومره الفجر
إلين هي تتبرمج جسديا
هو فيه تعب في البدايه لكن الهدف يستاهل

وانا ماشيه معاها ع نفس الطريقه
ونادرا ماتبلل نفسها
واحيان اضطر ألبسها كلوتات التعليم
اللي لإستخدام مره فقط
ولاحظت انها لو كانت زعلانه تبلل نفسها
حتى لو الزعل انتهى من الصباح


ملك
اهم شي تتعاملين مع الطفل في هالموضوع بالثواب دون العقاب

تحتوين الطفل وتعطينه الامان النفسي والاسري
ابعديه عن المشادات او المشاكل

غالبا التبليل في النوم اما بسبب مشاكل اسريه او نفسيه
شرب السوائل بكثره
تعليم الام الشي بقسوه وحزم مفرطين
فيخاف الطفل وهو نايم ويصير عقله الباطن عكس الظاهر. ويصير التناقض ويبلل نفسه
لان العقل يعتمد بشكل كبير ع الخيال
فلما تقولي للشخص اطلع للسلم بس انتبه لاتطيح
يبدا يطلع السلم وهو يفكر كيف مايطيح وذهنه خايف ومملوء بالتفكير
فيطيح تلقائيا لان عقله الباطن يسير حركته حسب خوفه من الفكره ذاتها

ونفس الشي مع بلل الاطفال
ابدا لاتقولي له لاتسوي
لان كلمة لا يبرمجها العقل الباطن نعم
تخيلي !
كأنك تأمرينه يبلل نفسه
وفي دراسه ع كلمة لاتفعل. ابحثي عنها وتوسعي فيها

ولما تشربيه مويه بعد مايروح الحمام
قولي له بعد نص ساعه او ساعه يالله روح الحمام
بيقول انا سويت خلاص مافيني شي
قولي له خلينا ندخل الحمام ونجرب
لان اللي انت سويتها حقة المويه اللي زمان. ماهو اللي تشربها تو
لان الجسم ياخذ فائدتها بالاول بعدين تستوي بول الله يكرمكم

والمويه اللي تشربها الان تضغط ع البول اللي في البطن وتنزلها

فخلينا نسبقها وننزلها في الحمام عشان نفوز عليها وماتفوز علينا هههه


وحابه اقول لك و للأمهات شي
اهم شي الابتعاد عن السوائل بكثره في الليل

لكن هذا مايعني انا نعطش اطفالنا
لان الماء مهم جدا للجسم ويكون بنسبة سبعين في الميه من الدماغ

فالافضل اننا نشربهم كثير من الصباح ونقلل تدريجيا حتى المغرب

ومانأكلهم اكل يعطش كله املاح ودهون وكذا في العشا

نأكلهم مع العشا اكل بارد مثل سلطات الفواكه والمهلبيه والاشياء الخفيفه والمفيده
اللي ماتسبب جفاف الفم وتعطي شعور بالعطش


ويقول المثل
افطر ملك وتغدى وزير وتعشى فقير

وهذا كله للصحه
ولراحة الجسم بمافيه المثانه والمعده
واسلم من تخمر الاكل اثناء النوم في البطن



الله يوفقنا ويوفقكم

__________________
..