السلام عليكم ورحمة الله وبركاته
أشكر كل من قدم النصح والمشوره .. جزاكم الله خيراً
بداية أحب أطلعكم بالمستجدات ولله الحمد الأمور تبشر بالخير
قمت بأخبار أختي بالأمر وأنني أعرف عائله وأحب أن تتقرب منهم
طبعاً سألتني قالت مين العائله ..!
قلت لها راح تعرفي كل شي بوقته ( أحس أني تلخبطت وماقدرت أقول اللي كنت مجهزه في بالي )
المهم بينت لها وخبرتها بأنها أول وحده من الأهل يعرفون بالموضوع .. وأحب أن تقوم بزيارتهم أن شاء الله
قالت أن شاء الله .. وقالت : أنت ناوي تخطب منهم ! وليه أتعرف عليهم ؟
قلت : كل شي بوقته حلو ... بس أهم شي تتعرفي عليهم وتشوفيهم أنتي بنفسك !
قالت أن شاء الله وسألتني عن أمي تروح معها .. قلت : يمكن !
( أنا تركت كل الخيارات مفتوحه .. )
هذا بأختصار ماحدث ..
أشعر بأني تلخبطت في بعض الأمور .. وأحيان أقول بالعكس كان تصرفي صحيح
المهم كنت واثق وأنا اتحدث ..
تكلمت مع الفتاه وقلت لها ماحدث مع أختي ..
وخططنا بأني لاإعرفها ولاتعرفني من قبل ( طبعاً الفتاه حتى لو سار نصيب أو ماسار نصيب ) ..
ويوم نحدد موعد أنا وأختي لزيارتهم !
أكون مجهز مع الفتاه بأن البيت يكون مافيه بقية أخواتها ( غير هي وأمها ) لكن بدون ماأحد يحس !
لإجل ماتشوف غيرها ..
وتكون عاديه ماتكون مرره أنيقه ! .. لإجل موضوع الغيره أو الشك !
ومن ثم أكيد أختي تشوفها وتحكي لي عنها .. ومن ثم ننتقل إلى بقية الخطوات بأذن الله