مبروووووك البيبي
الله يجعله من عباده الصالحين والبارين به وبك


إحذري فاكهه
انا ماضربت بنتي اول مره الا في نفاسي بولدي وكان عمرها 3 وعشره شهور

والبنات حساسات
كانت تحبه وماتغار منه واتعب وانا انومه وتجي ببساطه تصحيه وماتبي تنام الا معي في السرير
وتجلس تنط ع السرير وألم الخياطه اللي مايوصف
فكنت اثور وهي مرتين ضربتها
لاني اجلس ساعتين اسايسها واحذرها
ومافي امل إلين تصحي اخوها واضربها

مره شلتها ورميتها ع الارض

تخيلي !!!!
مانسى هالموقفين


لان الام في النفاس تكون مجهده
من النفاس نفسه ومن زيارات الضيوف وتربية الصغير والعنايه بالكبير

اهم شي حاولي يكون نومها بدري
لانها كل مانامت بدري تكون نفسيتها افضل واكثر استجابه للتوجيهات والسهر يخلي الانسان عرضه للتفكير والاكتئاب

اشغليها بأمور تاخذ منها وقت بدون ماتحسسيها انك تبين الخلاص منها

مثل الصلصال ويفضل العجينه المنزليه اللي تلون بملونات الطعام لانها اكثر طراوه وأمان حتى لو اكلها الطفل

او دفاتر التلوين


خصصي لها وقت تشوف فيه اخوها كل يوم. المغرب مثلا وتبوسه وتجهز له ملابسه او تجيب له الحفاظ الله يكرمك وكذا
عشان تحس بالانسجام معه والألفه
وخصصي لها وقت تكلمك عن نفسها
ولو خمس دقايق

اذا انت عند اهلك كلمي احد يحممها ولو الايام الاولى وانتي سرحي شعرها ع السريع
انجزي امورها السريعه عشان تحس بالاهتمام وعلميها انك مريضه وماتقدرين ع الصعبه
ومنها اهلك يرتاحون من الضغط
والاشياء الخفيفه ماتتعبك

خذي وقت بعد الغدا للراحه
طفي فيه الانوار وبعد المغرب بعد ماتجلسين معها

عشان تعطينها والموجودين اشاره بعدم الازعاج ^_^

استغلي اي فرصه ينام فيها البيبي
ولو ربع ساعه
حمميه كل يوم الصباح لانه ادفى ويهديه ويغط في نوم عميق

كلي زين عشان تقدرين ع التربيه

والله يسهل لك

__________________
..