رد : احتاج المشوره
ما اقصد اني احطك في موضع الإتهام...
اولا انا قلت ان من حقهم يشوفون امهم حتى لو هي ما طلبت هذا الشي... مجرد طلب الأطفال للشوفه يكفي يا اخوي...
ثانيا يا اخوي... المشوار الطويل هذا راح تضطر إليه في حالة الطلاق...
صحيح انت حاط في بالك الإهتمام بدراسة الأبناء و هذا شي تشكر عليه... و لكن يا اخوي الأطفال ما بيفكرون بنفس طريقة تفكيرنا... هم بالنسبه لهم ما شافوا امهم... و قالوا لبابا انهم يبون يشوفون امهم و بابا طنشهم... ممكن حاليا يسكتون عن الموضوع لأنك بتاخذهم لأماكن ترفيهيه.. و لكن بعد شهر شهرين ثلاث شهور شو راح يصير؟ راح يبدأ التذمر و التحليل من قبل الأطفال ان بابا ما يخلينا نسير عند ماما... في بعض الأحيان فكر بعقلية الطفل علشان تتجاوب معاه...
ساعات قليله يفرح فيها أطفالك مع امهم تسوى التعب يا اخوي.. حتى لو امهم نفسها ما تستاهل انك تسوي هذا الشي لها...