المشاركة الأصلية كتبت بواسطة سُكرآ

الصديقات مثلهم مثل المنتديات الكل يعطي رأيه لكن هنا نحاول ناخذ الافضل لحياتنا بالنهايه ربي خلقنا بعقل نفكرونتدبر بأمورنا والانسب لها مره واثنين مو اتأثر واخبص حياتي ..

اما الدلع بصراحة مو شرط البنت اذا ادلعت ببيت اهلها يعني بتكون عند زوجها مدلعه وبتطفشه ..

هذه فاهمه الدلع غلط وبتجني على نفسها قبل زوجها وبتعض اصابع الندم اذا طفش منها وطلقها وبتحط اللوم على اهلها المساكين اللي دلعوها بيوم مع انهم مالهم ذنب بنتهم ويحبونها ومايبغون يرفضون طلب لها ..

اللوم عليهم اذا مانصحوها قبل زواجها وفهموها ان حياتك مع زوجك غير حياتك مع اهلك،،
ياخاله بيتا الوالد والوالده نصحوني قبل زواجي كثير الله اعلم قد ايش نصحوني لأني تزوجت بعمر20 ويشوفوني صغيره وايضاا مدلعه على قولهم واحب الشيء يتنفذ وكلمه لا مااعرفها ...لكن كلها تغيرت بعد الزواج..
كانو اخواني اذا يبغون حاجه يطلبون مني انا اللي اطلبها عشان تتنفذ ..
بعد مرور من زواجي 5 سنوات الوالد يقول تستاهلين اللي يدلعك توقعت دلعي بيخربك عمرنا ماسمعنا مشكله بينكم ولابد تحصل مشاكل لكن اكيد تخفينها ..
ماشاء الله والحمدلله

.يمكن الشيء اللي متعبني لمااتخاصم مع زوجي احيان ،، ادخل الحمام لانه الملجأ الوحيد لي اتعذر بقضاء الحاجه لو قفلت غرفه ثانيه بيعرف وانا مااحب اكون ضعيفه.. واقعد ابكي من دون يعرف موعشان كلامه لي لا ... عشان اتذكر الوالد كيف كان يداريني على كل كلمه وكيف لو فهمته غلط يلحق ورايه ويقعد يبوسني براسي ويترجاني اقعد اقارن بينهم وابكي ...خاصه اذا غلط لانه بكلا الحالات مايعترف بغلطه ..
لاتقولي هنا شفتي كيف تأثرتي لو وازنو اهلك كان احسن ،، بقولك بالعكس لما احس بنفس اليوم ماعاد اتحمل زوجي اطلبه اروح لاهلي بنفس اليوم طبعا من دون اقولهم ، ترفيه لي فقط ، لما الاقي حنانهم وحبهم ارجع بالليل باحسن نفسيه ...
ولعلمك زوجي لاحظ اني ارجع ونفسيتي تمام ، صار اذا اشتد جدا الحوار يقولي روحي نامي الليله وباخذك بكره بجد ارجع له وانا ناسيه المشكله تماما هنا فايده دلع الأهل ..

اما زوجي فوالله مايقصرر معي وحياتنا عموما الحمدلله طيبه
لكن التغافل طيب جداا ونحرص دايم بأن نضع امام اعيننا ان الانسان لابد ان يكون به نقص ..سواء من الزوج او الزوجه ..