أختي قلبي حنون أهلي ناس على قد حالهم .. أمي وابوي كثير طيبين
وعلى نياتهم .. أبوي بعد المشكله إنشغل بعمله وماعاد فتح موضوعي أبد
والوالده بعد نفس ألشي تقول خليه يسوي اللي يبي ولا تسألين عنه ..
وماعندي إلا أخو واحد والباقين بنات وأنا الكبيره .. يعني بصراحه هالشيء
كأسرني لأن ماأحس ان عندي سند وأخوان يوقفون بوجه زوجي ويمكن
هالسبب هو اللي مخلي زوجي يستقوي علي كل مره لأن ماعندي
أحد استند واعتمد عليه .. وبالنسبه لأهل زوجي مايدورن عن شيء
أخته دائما تراسلني عَ الواتس اب وحسيت انه ماقالهم شيء ولا عندهم
خبر باللي صار بينا .. وأنا صراحه نفسي ألقى أحد يجلس مع زوجي
وينصحه ويفهمه لعل وعسى بس للأسف ماعندي أحد .. وإذا قلت لأبوي
كلمه وخله يجينا وتفاهموا مع بعض بيقول ماني متصل فيه وإذا له نيه
يرجعك يجي من نفسه .. عشان كذا سلمت ووكلت امري لربي سبحانه
والله يكتب اللي فيه الخير